സെപ്റ്റ് കോച്ചസ്സ് ട്രെയിനിങ് പ്രോഗ്രാം കൊയിലാണ്ടി ജില്ലാ സ്പോര്ട്സ് കൗണ്സില് സ്റ്റേഡിയത്തില് നടക്കും
കോഴിക്കോട്: സെപ്റ്റ് കോച്ചസ്സ് ട്രെയിനിങ് പ്രോഗ്രാം ആഗസ്റ്റ് 10, 11 തീയതികളില് കൊയിലാണ്ടി ജില്ലാ സ്പോര്ട്സ് കൗണ്സില് സ്റ്റേഡിയത്തിലും, പൊയില്ക്കാവ് എലൈറ്റ് ഫുട്ബോള് ടര്ഫിലും നടക്കും.
കേരളത്തിലെ വിവിധ സെന്ററുകളില് നിന്ന് തിരഞ്ഞെടുത്ത പരിശീലകര് പങ്കെടുക്കും. 2016 – 17 വര്ഷങ്ങളില് ജനിച്ച കുട്ടികള്ക്കായി ആരംഭിക്കുന്ന പുതിയ ബാച്ചിലെ കോച്ചുമാര്ക്ക് വിദഗ്ധ പരിശീലനം നല്കാനാണ് ട്രെയിനിങ് പ്രോഗ്രാം സംഘടിപ്പിക്കുന്നതെന്ന് സെപ്റ്റ് സെക്രട്ടറി സി. സേതുമാധവന് പറഞ്ഞു.
ചീഫ് കോച്ച് എം. സി. മനോജ് കുമാര്, മുന് കാലിക്കറ്റ് യൂണിവേഴ്സിറ്റി താരവും ഫുട്ബോള് പരിശീലകനുമായ പി. അനില്കുമാര് എന്നിവര് നേതൃത്വം നല്കും. ചീഫ് കോഡിനേറ്റര് വി. എ. ജോസ് പദ്ധതികള് വിശദീകരിച്ചു. പി. കെ. കുഞ്ഞിക്കോയ, എ. എം. അഹമ്മദ് റഫീഖ് എന്നിവര് സംസാരിച്ചു.
