ദേശീയ ആരോഗ്യ ദൗത്യത്തില് നിയമനം
ദേശീയ ആരോഗ്യ ദൗത്യത്തില് നിയമനം
കോഴിക്കോട് ദേശീയ ആരോഗ്യ ദൗത്യത്തിന് കീഴില് കരാര് അടിസ്ഥാനത്തില് മെഡിക്കല് ഓഫീസര്, സ്റ്റാഫ് നഴ്സ് (പാലിയേറ്റീവ് കെയര്), മിഡ് ലെവല് സര്വീസ് പ്രൊവൈഡര്, സ്റ്റാഫ് നഴ്സ്, ഓഡിയോമെട്രിക് അസിസ്റ്റന്റ്, ജെ.പി.എച്ച്.എന്, ഓഡിയോളജിസ്റ്റ്, ക്ലിനിക്കല് സൈക്കോളജിസ്റ്റ് തസ്തികകളില് നിയമനത്തിന് അപേക്ഷ ക്ഷണിച്ചു. വിശദ വിവരങ്ങള് www.arogyakeralam.gov.in എന്ന വെബ്സൈറ്റില് ലഭിക്കും. ജൂണ് 20ന് വൈകീട്ട് അഞ്ചിന് മുമ്പ് അപേക്ഷിക്കണം. ഫോണ്: 0495 2374990.
റേഡിയോളജിസ്റ്റ് നിയമനം
കോഴിക്കോട് ഗവ. മെഡിക്കല് കോളേജ് മാതൃ-ശിശു സംരക്ഷണ കേന്ദ്രം കെ.എ.എസ്.പിക്ക് കീഴില് ഒരു വര്ഷത്തേക്ക് റേഡിയോളജിസ്റ്റിനെ നിയമിക്കും. യോഗ്യത: എം.ഡി/ഡി.എന്.ബി/ഡി.എം.ആര്.ഡി. അസ്സല് സര്ട്ടിഫിക്കറ്റുകള് സഹിതം ജൂണ് 16ന് രാവിലെ 11.30ന് ഐ.എം.സി.എച്ച് സൂപ്രണ്ട് ഓഫീസില് അഭിമുഖത്തിനെത്തണം.
പെരിനാറ്റല് സോഷ്യല് വര്ക്കര് നിയമനം
കോഴിക്കോട് ഗവ. മെഡിക്കല് കോളേജ് മാതൃ-ശിശു സംരക്ഷണ കേന്ദ്രം കെ.എ.എസ്.പിക്ക് കീഴില് വനിതാ പെരിനാറ്റല് സോഷ്യല് വര്ക്കറെ നിയമിക്കും. യോഗ്യത: സൈക്കോളജി/സോഷ്യോളജി/സോഷ്യല് വര്ക്ക് എന്നിവയില് ഏതെങ്കിലും ബിരുദവും സോഷ്യല് വര്ക്കില് ബിരുദാനന്തര ബിരുദവും (മെഡിക്കല് ആന്ഡ് സൈക്കാട്രി സ്പെഷ്യലൈസേഷന്). കൗണ്സിലിങ്ങില് ആറ് മാസത്തില് കുറയാത്ത പ്രവൃത്തി പരിചയമുള്ളവര് അസല് സര്ട്ടിഫിക്കറ്റുകള് സഹിതം ജൂണ് 11ന് രാവിലെ 11ന് ഐ.എം.സി.എച്ച് സൂപ്രണ്ട് ഓഫീസില് അഭിമുഖത്തിനെത്തണം.
ഫിസിയോതെറാപ്പിസ്റ്റ് നിയമനം
കോഴിക്കോട് ഈസ്റ്റ് ഹില് ഫിസിക്കല് എജ്യൂക്കേഷന് കോളേജില് ദിവസവേതനത്തില് ഫിസിയോതെറാപ്പിസ്റ്റ് നിയമനത്തിന് ജൂണ് 12ന് രാവിലെ 11ന് അഭിമുഖം നടത്തും. യോഗ്യത: ഫിസിയോതെറാപ്പിയില് ബി.എസ്.സി. രേഖകള് സഹിതം എത്തണം.
അധ്യാപക നിയമനം
പറയഞ്ചേരി ഗവ. ഹൈസ്കൂള് ഫോര് ഗേള്സില് ദിവസവേതനത്തില് എച്ച്.എസ്.ടി ഇംഗ്ലീഷ് നിയമനത്തിനുള്ള അഭിമുഖം ജൂണ് എട്ടിന് രാവിലെ 10ന് നടക്കും. അസ്സല് രേഖകളും പകര്പ്പുകളുമായി എത്തണം. ഫോണ്: 9074674079.
റബര് ഉല്പന്ന നിര്മാണ പരിശീലനം
വ്യവസായ വാണിജ്യ വകുപ്പിന് കീഴിലുള്ള മഞ്ചേരി പയ്യനാട് കോമണ് ഫെസിലിറ്റി സര്വീസ് സെന്ററില് ജൂണ് 15 മുതല് 19 വരെ സംരംഭകര്ക്കായി ലാറ്റക്സ്, ഡ്രൈ റബര് ഉല്പന്നങ്ങളുടെ നിര്മാണ പരിശീലനം സംഘടിപ്പിക്കും. പരിശീലന ഫീസ്: 1000 രൂപ. ഫോണ്: 0483 2768507, 8590177226, 9846141688. ഇ-മെയില്: adcfscmanjeri@gmail.com.
ക്വട്ടേഷന് ക്ഷണിച്ചു
കോഴിക്കോട് ഗവ. എഞ്ചിനീയറിങ് കോളേജിലെ മെക്കാനിക്കല് എഞ്ചിനീയറിങ് വിഭാഗം വര്ക്ഷോപ്പ്, മാനുഫാക്ച്വറിങ് ടെക്നോളജി ലാബ് എന്നിവിടങ്ങളിലേക്കാവശ്യമായ വസ്തുക്കള് വിതരണം ചെയ്യാന് ക്വട്ടേഷന് ക്ഷണിച്ചു. ജൂണ് 15ന് ഉച്ചക്ക് രണ്ടുവരെ ക്വട്ടേഷന് സ്വീകരിക്കും. കൂടുതല് വിവരങ്ങള് www.geckkd.ac.in എന്ന വെബ്സൈറ്റില് ലഭിക്കും.
