പാകിസ്ഥാന് പൗരത്വം ഉള്ളവര്ക്ക്, രാജ്യം വിടണമെന്ന് ആവശ്യപ്പെട്ടു നല്കിയ നോട്ടീസ് പിന്വലിച്ച് പോലീസ്
കോഴിക്കോട്: പാകിസ്ഥാന് പൗരത്വം ഉള്ളവര്ക്ക്, രാജ്യം വിടണമെന്ന് ആവശ്യപ്പെട്ടു നല്കിയ നോട്ടീസ് പിന്വലിച്ച് പോലീസ്. ഉന്നത നിര്ദേശത്തെ തുടര്ന്നാണ് തീരുമാനം. കോഴിക്കോട് റൂറല് പോലീസ് പരിധിയില് മൂന്നു പേര്ക്കായിരുന്നു നോട്ടീസ് നല്കിയത്. കൊയിലാണ്ടിയില് താമസിക്കുന്ന ഹംസ, വടകര വൈക്കിലിശ്ശേരിയില് താമസിക്കുന്ന കഞ്ഞിപ്പറമ്പത്ത് ഖമറുന്നീസ, സഹോദരി അസ്മ എന്നിവര്ക്കായിരുന്നു നോട്ടീസ് ലഭിച്ചത്. മൂന്നുപേരും ലോങ് ടേം വിസയ്ക്ക് അപേക്ഷ നല്കിയിരുന്നുവെന്ന് പോലീസ് അറിയിച്ചു.
പഹല്ഗാം ഭീകരാക്രമണത്തിന്റെ പശ്ചാത്തലത്തില് പാകിസ്താന് പൗരന്മാര്ക്കുള്ള വിസ ഇന്ത്യ റദ്ദാക്കിയിരുന്നു. പാക് പൗരന്മാരെ കണ്ടെത്തി നാടുകടത്താന് കേന്ദ്ര ആഭ്യന്തര മന്ത്രി സംസ്ഥാന മുഖ്യമന്ത്രിമാര്ക്ക് നിര്ദേശവും നല്കിയിരുന്നു. 27-നകം നാടുവിടാനാണ് പാക് പൗരന്മാര്ക്കുള്ള നിര്ദേശം. മെഡിക്കല് വിസയിലെത്തിയവര്ക്ക് 29 വരെ സമയം നല്കിയിട്ടുണ്ട്
