ഫോട്ടോ ഫിനിഷ് തീവ്രപരിശീലനം ഉദ്ഘാടനം ചെയ്തു
മേപ്പയ്യൂര്: കോഴിക്കോട് ജില്ലാ പഞ്ചായത്തിന്റെ പത്താംതരം പരീക്ഷ തീവ്രപരിശീലന പരിപാടി ഫോട്ടോ ഫിനിഷ് ജില്ലാ പഞ്ചായത്ത് മെമ്പര് സി.എം. ബാബു മേപ്പയ്യൂര് ഗവ.വൊക്കേഷണല് ഹയര് സെക്കന്ററി സ്കൂളില് ഉദ്ഘാടനം ചെയ്തു.
ജില്ലയിലെ പത്താംതരം വിദ്യാര്ത്ഥികളുടെ മികച്ച റിസല്ട്ടി നായുള്ള പദ്ധതിയാണ് ഇത്. ഹയര് സെക്കന്ററി പ്രിന്സിപ്പല് എം.സക്കീര് സ്വാഗതം പറഞ്ഞ ചടങ്ങില് പി ടി എ വൈസ് പ്രസിഡന്റ് ഷബീര് ജന്നത്ത് അധ്യക്ഷം വഹിച്ചു. എസ്. എം. സി. ചെയര്മാന് വി. മുജീബ്, ഹെഡ്മാസ്റ്റര് മാരായ കെ. നിഷിദ്, കെ. എം. മുഹമ്മദ്, എസ് ആര് ജി കണ്വീനര് കെ. ടി. സ്മിത, വിജയോല്സവം കണ്വീനര് എം. ബിന്ദു, സ്റ്റാഫ് സെക്രട്ടറി എന്. വി. നാരായണന് എന്നിവര് ആശംസകള് നേര്ന്ന് സംസാരിച്ചു. വി. എം. മിനിമോള് നന്ദി രേഖപ്പെടുത്തി.
