സംസ്ഥാനത്ത് ഇന്നും ചൂട് : 12 ജില്ലകളിൽ യെല്ലോ അലർട്ട്
സംസ്ഥാനത്ത് ഇന്നും വിവിധ ജില്ലകളില് ഉയര്ന്ന താപനില രേഖപ്പെടുത്താന് സാധ്യത. 12 ജില്ലകളില് യെല്ലോ അലേര്ട്ട് തുടരുകയാണ്. വയനാട് ഇടുക്കി ഒഴികെയുള്ള ജില്ലകളിലാണ് മുന്നറിയിപ്പ്. പാലക്കാട് താപനില 40 ഡിഗ്രിയിലേക്ക് എത്താനാണ് സാധ്യത. കേന്ദ്രീകരിച്ച് ഉയര്ന്ന താപനില രേഖപ്പെടുത്താന് സാധ്യതയെന്നാണ് മുന്നറിയിപ്പ്.
ഉയര്ന്ന താപനില പാലക്കാട് ജില്ലയില് 40°C വരെയും, കൊല്ലം ജില്ലയില് 39 °C വരെയും, കോട്ടയം ജില്ലയില് 38 °C വരെയും, ആലപ്പുഴ, പത്തനംതിട്ട, എറണാകുളം, തൃശൂര്, മലപ്പുറം, കോഴിക്കോട്, കണ്ണൂര്, കാസറഗോഡ് ജില്ലകളില് 37°C വരെയും, തിരുവനന്തപുരം ജില്ലയില് 36°C വരെയും ഉയരാന് (സാധാരണയെക്കാള് 3 to 4ത്ഥC വരെ കൂടുതല്) സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു.
സംസ്ഥാനത്ത് വൈദ്യുതി ഉപഭോഗം വീണ്ടും റെക്കോര്ഡിലാണ്. ഇന്നലത്തെ ഉപഭോഗം 117.15 ദശലക്ഷം യൂണിറ്റ് ആണ്. വൈദ്യുതി ഉപഭോഗത്തില് ചരിത്രത്തിലെ ഏറ്റവും ഉയര്ന്ന പ്രതിദിന ഉപഭോഗത്തില് കേരളം സര്വ്വകാല റെക്കോര്ഡിലെത്തി. വൈകുന്നേരത്തെ വൈദ്യുതി ആവശ്യകതയിലും കേരളത്തില് റെക്കോര്ഡ് ഉപഭോഗമാണ് രേഖപ്പെടുത്തിയത്. ഇന്നലെ വൈകിട്ടത്തെ ആവശ്യകത 6033 മെഗാവാട്ട് ആണ്.
സംസ്ഥാനത്ത് പവര്കട്ടിനോ ലോഡ് ഷെഡിംഗിനോ ഉള്ള സാഹചര്യമുണ്ടെന്നും ഇതൊഴിവാക്കാന് ശ്രമം തുടങ്ങിയായും വൈദ്യുതി മന്ത്രി കെ കൃഷ്ണന് കുട്ടി പറഞ്ഞു. അതേസമയം സംസ്ഥാനത്ത് ഇന്ന് മുതല് 22 വരെ ഒറ്റപ്പെട്ട ഇടങ്ങളില് ഇടിമിന്നലോട് കൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു
