കിണറില്‍വീണ യുവതിയെ ഫയര്‍ഫോഴ്‌സും നാട്ടുകാരും ചേര്‍ന്ന് രക്ഷപ്പെടുത്തി
പേരാമ്പ്ര: കിണറില്‍വീണ യുവതിയെ ഫയര്‍ഫോഴ്‌സും നാട്ടുകാരും ചേര്‍ന്ന് രക്ഷപ്പെടുത്തി. ഞായാറാഴ്ച പുലര്‍ച്ചെ ആറുമണിയോടെയായിരുന്നു സംഭവം.
കോട്ടൂര്‍ കൊയിലോത്തരിക്കല്‍ ജിന്‍സി (38) കിണറില്‍ വീണതറിഞ്ഞ് ബന്ധുക്കളായ രണ്ട് പേര്‍ ഉടനെ പത്തടിയോളം വെള്ളമുള്ള കിണറിലിറങ്ങി താങ്ങിനിര്‍ത്തിയ ശേഷംപേരാമ്പ്ര അഗ്‌നിരക്ഷാ നിലയത്തില്‍ നിന്നും സ്റ്റേഷന്‍ ഓഫീസര്‍ പി. കെ. ഭരതന്റെയും സീനിയര്‍ ഫയര്‍ ആന്‍ഡ് റെസ്‌ക്യൂ ഓഫീസര്‍ കെ .ടി റഫീക്കിന്റെയും നേതൃത്വത്തില്‍ ഫയര്‍ഫോഴ്‌സ് സംഘം സ്ഥലത്തെത്തി റെസ്‌ക്യൂ നെറ്റ് റോപ്പ് എന്നിവ ഉപയോഗിച്ച് നാട്ടുകാരുടെ സഹായത്തോടെ യുവതിയെ രക്ഷപ്പെടുത്തി.
ജിന്‍സിയെ കോഴിക്കോട് മെഡിക്കല്‍ കോളേജ് ആശുപത്രിയില്‍ ചികിത്സ തേടി. നിലയത്തിലെ ഉദ്യോഗസ്ഥരായ കെ കെ ഗിരീഷ്, കെ അജേഷ്, ടി വി ബീഷ് , പി എം വിജേഷ്, എസ് അശ്വിന്‍, എം കെ മകേഷ്, ഹോം ഗാര്‍ഡ് മാരായ എ എം രാജീവന്‍, കെ രാജേഷ് എന്നിവരും രക്ഷാപ്രവര്‍ത്തനത്തില്‍ പങ്കെടുത്തു.
