എംഎസ്എഫ് നേതാക്കളെ പോലീസ് റിമാൻഡ് ചെയ്തതിൽ പ്രതിഷേധിച്ച് കൊയിലാണ്ടിയിൽ റോഡ് ഉപരോധവും പ്രതിഷേധ പ്രകടനവും സംഘടിപ്പിച്ചു
കൊയിലാണ്ടി: പ്ലസ് വണ് സീറ്റ് പ്രതിസിന്ധിയില് പ്രതിഷേധിച്ച് പൊതു വിദ്യാഭ്യാസ ഡയറക്റ്ററെ ഉപരോധിച്ച എം.എസ്.എഫ് നേതാക്കളെ പോലീസ് റിമാന്ഡ് ചെയ്തതില് പ്രതിഷേധിച്ച് കൊയിലാണ്ടിയില് റോഡ് ഉപരോധവും പ്രതിഷേധ പ്രകടനവും സംഘടിപ്പിച്ചു. എം.എസ്.എഫ് കൊയിലാണ്ടി നിയോജക മണ്ഡലം കമ്മിറ്റിയുടെ നേതൃത്വത്തിലാണ് പ്രതിഷേധം സംഘടിപ്പിച്ചത്. സംസ്ഥാന പ്രസിഡന്റ് പി.കെ നവാസ്, ജനറല് സെക്രട്ടറി സികെ നജാഫ് അടക്കമുള്ള 14 നേതാക്കളെ റിമാന്റ് ചെയ്തതിലായിരുന്നു പ്രതിഷേധം.
കൊയിലാണ്ടി ടൗണില് നടത്തിയ പ്രതിഷേധ സംഗമം എംവൈഎല് കോഴിക്കോട് ജില്ലാ കമ്മിറ്റി അംഗം സമദ് നടേരി ഉദ്ഘാടനം ചെയ്തു. നിയോജക മണ്ഡലം പ്രസിഡന്റ് ശിബില് പുറക്കാടിന്റെ അധ്യക്ഷത വഹിച്ചു. എം.എസ്.എഫ് സംസ്ഥാന വിംഗ് കണ്വീനര് ആസിഫ് കലാം മുഖ്യ പ്രഭാഷണം നടത്തി. സിഫാദ് ഇല്ലത്ത് സ്വാഗതവും ഫര്ഹാന് പൂക്കാട് നന്ദിയും പറഞ്ഞു.
ഫസീഹ് സി, റഫ്ഷാദ് വലിയമങ്ങാട്, സജാദ് പയ്യോളി, നിസാം കൊയിലാണ്ടി, റാഷിദ് വേങ്ങളം, സിനാന് പയ്യോളി, നബീഹ് കൊയിലാണ്ടി, ജൈസല് എ. വി. ടി തുടങ്ങിയവര് നേതൃത്വം നല്കി.
