ട്രെയിനുകളില് മദ്യപിച്ച് യാത്ര ചെയ്യുന്നവരെയും ശല്യമുണ്ടാക്കുന്നവരെയും പുറത്താക്കാം: ഹൈക്കോടതി
ട്രെയിനുകളില് മദ്യപിച്ച് യാത്ര ചെയ്യുന്നവരെയും യാത്രക്കാര്ക്ക് ശല്യമുണ്ടാക്കുന്നവരെയും ട്രയിനുകളില് നിന്ന് പുറത്താക്കാന് റെയില്വേക്ക് അധികാരമുണ്ടെന്ന് ഹൈക്കോടതി.
ട്രെയിനുകളിലോ റെയില്വേ വളപ്പിലോ മദ്യപിച്ച് ലഹരിയിലാകുന്നവര്ക്കെതിരെ ശിക്ഷാ നടപടികള് സ്വീകരിക്കാനും അവരെ പുറത്താക്കാനുമുള്ള റെയില്വേയുടെ അധികാരം ഹൈക്കോടതി ശരിവെച്ചു. ഇതിനായുള്ള നിയമത്തിലെ വ്യവസ്ഥകള് ഭരണഘടനാ വിരുദ്ധമല്ലെന്നും ഹൈക്കോടതി വ്യക്തമാക്കി. പ്രസ്തുത വകുപ്പിന്റെ പ്രവര്ത്തനം തടയണമെന്നും അത് റദ്ദാക്കണമെന്നും ആവശ്യപ്പെട്ട് സമര്പ്പിച്ച ഹര്ജി ജസ്റ്റിസ് ബെച്ചു കുര്യന് തോമസിന്റെ ബെഞ്ച് തള്ളി.
പൊതുജന സുരക്ഷയും മറ്റു യാത്രക്കാരുടെ സ്വസ്ഥതയും ഉറപ്പാക്കാന് റെയില്വേയ്ക്ക് ഇത്തരമൊരു അധികാരം അത്യാവശ്യമാണെന്ന് കോടതി നിരീക്ഷിച്ചു. നിയമം നടപ്പിലാക്കുന്നതിലെ അപകതകള് ചൂണ്ടിക്കാട്ടി നിയമം തന്നെ റദ്ദാക്കാനാകില്ലെന്നും, എന്തെങ്കിലും തരത്തിലുള്ള നീതികേട് വ്യക്തികള്ക്ക് നേരിട്ടാല് അവര്ക്ക് കോടതിയെ സമീപിക്കാമെന്നും ഹൈക്കോടതി വ്യക്തമാക്കി.
