സ്പെയ്നിനോട് എതിരില്ലാത്ത ഒരു ഗോളിന് തോറ്റ് പോര്ച്ചുഗല് ലോകകപ്പില് നിന്ന് പുറത്ത്
പ്രീ ക്വാര്ട്ടറില് സ്പെയ്നിനോട് എതിരില്ലാത്ത ഒരു ഗോളിന് തോറ്റ് പോര്ച്ചുഗല് ലോകകപ്പില് നിന്ന് പുറത്തായി. ഇഞ്ചുറി സമയത്ത് മികേല് മെറീനോ നേടിയ ഗോളാണ് സ്പെയ്നിന് ജയമൊരുക്കിയത്. ഇതോടെ തന്റെ അവസാന ലോകകപ്പ് കളിച്ച ക്രിസ്റ്റ്യാനോ റൊണാള്ഡോയുടെ ലോകകപ്പ് സ്വപ്നങ്ങൾക്ക് വിരാമമായി. പ്രീ ക്വാര്ട്ടറില് സ്പെയ്നിനോട് തോറ്റ് പോര്ച്ചുഗല് പുറത്തായതോടെയാണ് ക്രിസ്റ്റിയാനോ ലോകകപ്പ് ഇല്ലാതെ കരിയര് അവസാനിപ്പിക്കുന്നത്.
എതിരില്ലാത്ത ഒരു ഗോളിനായിരുന്നു സ്പെയ്നിന്റെ ജയം. പകരക്കാരനായി ഇറങ്ങിയ മികേല് മെറീനോ ഇഞ്ചുറി സമയത്ത് നേടിയ ഗോളാണ് സ്പെയ്നിനെ ക്വാര്ട്ടറിലെത്തിച്ചത്. 91-ാം മിനിറ്റിലാണ് മികേല് മെറീനോ സ്പെയ്നിന് ജയം സമ്മാനിക്കുന്നത്. ബോക്സിനുള്ളില് നിന്ന് മെറിനോ തൊടുത്ത മനോഹരമായ ഇടങ്കാലന് ഷോട്ട് പോര്ച്ചുഗല് വലയില് പതിക്കുകയായിരുന്നു. വിരസമായ 90 മിനിറ്റുകള്ക്ക് ശേഷമായിരുന്നു വിജയഗോള്. കളിയില് വ്യക്തമായ ആധിപത്യം പുലര്ത്താന് ശ്രമിച്ച സ്പെയിനിന് ആദ്യ പകുതിയില് തന്നെ ഗോള് നേടാന് സുവര്ണ്ണാവസരം ലഭിച്ചിരുന്നു. എന്നാല് സ്ട്രൈക്കര് മൈക്കല് ഒയാര്സബാലിന് മുതലാക്കാനായില്ല.
