നിതിന് രാജിന്റെ മരണം: നാളെ സംസ്ഥാനവ്യാപക ഹര്ത്താല്
വ്യാപാരികള് കടകമ്പോളങ്ങള് അടച്ച് പൂര്ണ സഹകരണം നല്കണമെന്ന് നേതൃത്വം ആവശ്യപ്പെട്ടു. അവശ്യ സേവനങ്ങള് ഹര്ത്താലില് നിന്ന് ഒഴിവാക്കിയിട്ടുണ്ട്.
കേരള പിന്നാക്ക സമുദായ മുന്നണി (കെപിഎസ്എം) ഉള്പ്പെടെ നിരവധി സംഘടനകള് ഹര്ത്താലിന് ഐക്യദാര്ഢ്യം പ്രഖ്യാപിച്ചു. പോലീസ് അന്വേഷണത്തില് വിശ്വാസമില്ലെന്നും കേസ് സ്വതന്ത്ര ഏജന്സിക്ക് കൈമാറണം. ക്യാമ്പസ് കൊലപാതകങ്ങള്ക്കെതിരെയുള്ള പ്രതിരോധമായാണ് ഈ ഹര്ത്താല് മുന്നോട്ടുവെക്കുന്നതെന്നും നേതാക്കള് പറഞ്ഞു.
അതേസമയം, നിതിന് രാജ് ആത്മഹത്യ ചെയ്ത സംഭവത്തില് ഒന്നാം പ്രതിയായ അധ്യാപകന് ഡോ എം കെ റാമിന് കോടതി മുന്കൂര് ജാമ്യം അനുവദിച്ചിരുന്നില്ല. എന്നാല് രണ്ടാം പ്രതി സംഗീത നമ്പ്യാര്ക്ക് മുന്കൂര് ജാമ്യം അനുവദിച്ചു. തലശ്ശേരി അഡീഷണല് ജില്ലാ സെഷന്സ് കോടതിയാണ് ഇരുവരുടേയും ജാമ്യാപേക്ഷ പരിഗണിച്ചത്. ആത്മഹത്യാ പ്രേരണാ കുറ്റത്തിന് പുറമെ, പട്ടികജാതി-പട്ടികവര്ഗ അതിക്രമ നിരോധന നിയമപ്രകാരമുള്ള ഗൗരവമേറിയ വകുപ്പുകളും പ്രതികള്ക്കെതിരെ ചുമത്തിയിട്ടുണ്ട്.
