കേരസുരക്ഷാ ഇന്ഷുറന്സില് അപേക്ഷിക്കാം
കേരസുരക്ഷാ ഇന്ഷുറന്സില് അപേക്ഷിക്കാം
ജില്ലാ ഭരണകൂടത്തിന്റെ നേരിട്ടുള്ള നിയന്ത്രണത്തില് പ്രവര്ത്തിക്കുന്ന സ്വാഭിമാന് സോഷ്യല് സര്വീസ് ആന്ഡ് ചാരിറ്റബിള് സൊസൈറ്റി നാളികേര വികസന ബോര്ഡ് സബ്സിഡിയില് നടപ്പാക്കിവരുന്ന കേരസുരക്ഷാ ഇന്ഷുറന്സില് തെങ്ങ് കയറ്റം, തേങ്ങ പൊതിക്കല്, കൊപ്രപ്പണി എന്നീ തൊഴിലില് ഏര്പ്പെട്ടവര്ക്ക് അപേക്ഷിക്കാം.
കടന്നല് കുത്ത്, താല്ക്കാലിക അപകടങ്ങള് എന്നിവക്ക് ആഴ്ചയില് 3,500 രൂപ വെച്ച് ആറാഴ്ച വരെ താല്ക്കാലിക സമാശ്വാസം, മരണാനന്തര സഹായമായി ഏഴ് ലക്ഷം, പൂര്ണ അംഗവൈകല്യമുണ്ടാകുന്നവര്ക്ക് മൂന്നര ലക്ഷം എന്നിങ്ങനെ പദ്ധതിയില് ലഭിക്കും. അപേക്ഷാ ഫോമുകള് ഓഫീസില് ലഭിക്കും. വാര്ഷിക പ്രീമിയം: 200 രൂപ. ഫോണ്: 8891889720, 9446252689.
വെറ്ററിനറി സര്ജന് നിയമനം
കോഴിക്കോട് ജില്ലയിലെ വിവിധ ബ്ലോക്കുകളിലെ മൊബൈല് വെറ്ററിനറി യൂണിറ്റുകളില് പരമാവധി 89 ദിവസത്തേക്ക് വെറ്ററിനറി സര്ജന് നിയമനത്തിനുള്ള അഭിമുഖം ഓഗസ്റ്റ് 14ന് രാവിലെ 11ന് ജില്ലാ മൃഗസംരക്ഷണ ഓഫിസില് നടക്കും. യോഗ്യത: വെറ്ററിനറി സയന്സില് ബിരുദം, വെറ്ററിനറി കൗണ്സില് രജിസ്ട്രേഷന്. വെള്ളക്കടലാസില് തയാറാക്കിയ ബയോഡാറ്റ, ബന്ധപ്പെട്ട രേഖകളുടെ അസ്സലും സ്വയം സാക്ഷ്യപ്പെടുത്തിയ പകര്പ്പുകളും എന്നിവ സഹിതം എത്തണം. ഫോണ്: 0495 2768075.
മണ്പാത്ര നിര്മാണ തൊഴിലാളികള്ക്ക് ധനസഹായം
പിന്നാക്ക വിഭാഗ വികസന വകുപ്പ് മുഖേനയുള്ള പരമ്പരാഗത മണ്പാത്ര നിര്മാണ തൊഴിലാളി ധനസഹായ പദ്ധതിയിലേക്ക് അപേക്ഷ ക്ഷണിച്ചു. കുടുംബ വാര്ഷിക വരുമാനം 2.5 ലക്ഷം രൂപ കവിയാത്ത, മണ്പാത്ര നിര്മാണം കുലത്തൊഴിലായി സ്വീകരിച്ച ഒ.ബി.സി വിഭാഗക്കാര്ക്ക് അപേക്ഷിക്കാം. പ്രായപരിധി: 2026 ഓഗസ്റ്റ് ഒന്നിന് 60 വയസ്സ് കവിയരുത്. ഇതേ പദ്ധതിയില് മുന് വര്ഷങ്ങളില് ആനുകൂല്യം ലഭിച്ചവരോ കുടുംബാംഗങ്ങളോ അപേക്ഷിക്കേണ്ടതില്ല. ഓഗസ്റ്റ് 31നകം www.bwin.kerala.gov.in മുഖേനയാണ് അപേക്ഷിക്കേണ്ടത്. ഫോണ്: 0495 2377786.
