പാലക്കുളത്ത് രണ്ടു ചരക്ക് ലോറിയും മീൻ ലോറിയും കൂട്ടിയിടിച്ച് അപകടം
കൊയിലാണ്ടി: ദേശീയപാതയിൽ കൊയിലാണ്ടി – പാലക്കുളത്ത് രണ്ടു ചരക്ക് ലോറിയും മീൻ ലോറിയും കൂട്ടിയിടിച്ച് അപകടം
പുലർച്ചെ രണ്ടരയോടെയാണ് അപകടം ഉണ്ടായത്. ചരക്ക് ലോറികളിൽ ഒന്നിൻ്റെ ക്യാബിനിൽ കാല് കുടുങ്ങിയ ഡ്രൈവറെ അഗ്നിരക്ഷാസേന എത്തി ഹൈഡ്രോളിക് കട്ടർ ഉപയോഗിച്ച് ക്യാമ്പിന്റെ ഡോർ മുറിച്ചുമാറ്റിയാണ് പുറത്തെടുത്തത്
കൊയിലാണ്ടി ഭാഗത്തേക്ക് വന്ന ചരക്ക് ലോറി ആദ്യം മീൻ ലോറിയിലും പിന്നീട് മറ്റൊരു ചരക്കു ലോറിയിലും ഇടിക്കുകയായിരുന്നു
രണ്ടു ചരക്ക് ലോറികളിലെയും ഡീസൽ ടാങ്ക് പൊട്ടി റോഡിൽ പരന്നിരുന്നു. ക്രെയിനിന്റെ സഹായത്തോടുകൂടി അപകടത്തിൽപ്പെട്ട ലോറികൾ റോഡിന് വശങ്ങളിലേക്ക് മാറ്റി. റോഡിൽ പരന്ന ഡീസൽ സേന വെള്ളം ഉപയോഗിച്ച് കഴുകുകയും ചെയ്തു. തുടർന്ന് ഗതാഗതം പുന:സ്ഥാപിച്ചു.
സീനിയർ ഫയർ ആൻഡ് റെസ്ക്യൂ ഓഫീസർ അനൂപ് ബി കെ യുടെ നേതൃത്വത്തിൽ ഫയർ ആൻഡ് റസ്ക്യു ഓഫീസർമാരായ ഹേമന്ത് ബി, നിധിപ്രസാദി ഇ എം, ലിനീഷ് എം,അനൂപ് എൻപി,രജീഷ് വി പി, ഷാജു കെ,ഹോം ഗാർഡുമാരായ ബാലൻ ടി പി,രാജേഷ് കെ പി, പ്രതീഷ് എന്നിവർ രക്ഷാപ്രവർത്തനത്തിൽ ഏർപ്പെട്ടു.
