വെള്ളിയൂർ എ യു പി സ്കൂളിൽ സുരക്ഷാ ബോധവൽക്കരണ ക്ലാസ് സംഘടിപ്പിച്ച് പേരാമ്പ്ര അഗ്നിരക്ഷാസേന
പേരാമ്പ്ര: സലഫികോളേജ് മേപ്പയ്യൂർ ടീച്ചർ എജുക്കേഷൻ ഡിപ്പാർട്ട്മെൻ്റും ബാലുശ്ശേരി കെ ഇ ടി കോളേജ് ഓഫ് ടീച്ചർ എജുക്കേഷനും ചേർന്ന് വെള്ളിയൂർ എ യു പി സ്കൂളിൽ സുരക്ഷാ ബോധവൽക്കരണ ക്ലാസ് സംഘടിപ്പിച്ചു.
പേരാമ്പ്ര അഗ്നിരക്ഷാ നിലയത്തിലെ സീനിയർ ഫയർ ആൻഡ് റെസ്ക്യൂ ഓഫീസർ റഫീഖ്കാവിൽ ക്ലാസ് നയിച്ചു.
അപകടരഹിതമായവിദ്യാലയാന്തരീക്ഷം സൃഷ്ടിക്കുന്നതിന് നിത്യ ജീവിതത്തിൻ്റെ ഭാഗമാക്കേണ്ടുന്ന സുരക്ഷാ ശീലങ്ങളെക്കുറിച്ച് കുട്ടികൾക്ക് വിശദീകരിച്ചു കൊടുത്തു.
അഗ്നിബാധ പ്രതിരോധത്തിനായി സ്കൂളുകളിൽ സ്ഥാപിച്ചിരിക്കുന്ന ഫയർ എക്സ്റ്റിങ്യൂഷറുകൾ പ്രവർത്തിപ്പിക്കുന്നതിനുള്ള പ്രായോഗിക പരിശീലനം നൽകി. ഗ്യാസ് ലീക്ക് അപകടങ്ങളുടെ മുൻകരുതൽ മാർഗ്ഗങ്ങളും പ്രതിരോധ പ്രവർത്തനങ്ങളും വിശദീകരിച്ചു. അടിയന്തരഘട്ടങ്ങളിൽ ജീവൻ രക്ഷാപ്രവർത്തനത്തിന് സാധ്യമാകുന്ന സി പി ആർ നൽകുന്നതിലും പരിശീലനം നൽകി.
ഷാഹിദ് സ്വാഗതം പറഞ്ഞ ചടങ്ങിൽ സ്കൂൾ പ്രധാനധ്യാപിക ടി കെ സനിത അധ്യക്ഷത വഹിച്ചു. അളകനന്ദ, അഞ്ജലി, ശരണ്യ, ഷാന, ഐശ്വര്യ എന്നിവർ കോഡിനേറ്റർമാരായ പരിപാടിയിൽ അർജുൻ എസ് നന്ദി പറഞ്ഞു.
