‘ഫിഷ് വെന്ഡിംഗ് കം ഫുഡ് ട്രക്ക്’ വിതരണം ചെയ്യുന്ന പദ്ധതിക്കായി അപേക്ഷ ക്ഷണിച്ചു
‘ഫിഷ് വെന്ഡിംഗ് കം ഫുഡ് ട്രക്ക്’ വിതരണം ചെയ്യുന്ന പദ്ധതിക്കായി അപേക്ഷ ക്ഷണിച്ചു
പ്രധാനമന്ത്രി മത്സ്യസമ്പാദ യോജന (പി എം എം എസ് വൈ) പദ്ധതി പ്രകാരമുളള ചാലിയം മാതൃക മത്സ്യഗ്രാമം പദ്ധതിയുടെ ഘടകപദ്ധതിയായ ‘ഫിഷ് വെന്ഡിംഗ് കം ഫുഡ് ട്രക്ക്’ വിതരണം ചെയ്യുന്ന പദ്ധതിക്കായി ചാലിയം മത്സ്യഗ്രാമത്തില് സ്ഥിരതാമസക്കാരായ 5 മുതല് 10 വരെ അംഗങ്ങളടങ്ങിയ പുരുഷ-വനിത മത്സ്യത്തൊഴിലാളി സ്വയംസഹായ/സാഫ് ഗ്രൂപ്പുകളില് നിന്നും അപേക്ഷ ക്ഷണിച്ചു. തെരഞ്ഞെടുക്കപ്പെടുന്ന ഗ്രൂപ്പുകള്ക്ക് വാഹനം ഉള്പ്പെടെ 28 ലക്ഷം രൂപയുടെ ധനസഹായം ലഭിക്കും.
അപേക്ഷകള് ബേപ്പൂര് മത്സ്യഭവന് ഓഫീസില് ഡിസംബര് അഞ്ചിനകം ലഭ്യമാക്കണം. വിവരങ്ങള്ക്ക് ബേപ്പൂര് മത്സ്യഭവന്, സാഫ് ഓഫീസ്, ജില്ലാ ഫിഷറീസ് ഓഫീസ് എന്നിവിടങ്ങളിലോ 0495-2383780 നമ്പറിലോ ബന്ധപ്പെടണം.
വിദ്യാഭ്യാസ ധനസഹായത്തിനുള്ള അപേക്ഷ ക്ഷണിച്ചു
കേരള കയര് തൊഴിലാളി ക്ഷേമനിധി ബോര്ഡില് അംഗത്വമുള്ള തൊഴിലാളികളുടെ മക്കള്ക്ക് 2024-25 വര്ഷത്തെ ഡിഗ്രി, പ്രൊഫഷണല് കോഴ്സുകളിലേക്കുള്ള വിദ്യാഭ്യാസ ധനസഹായത്തിന് അപേക്ഷ ക്ഷണിച്ചു.
കയര് തൊഴിലാളി ക്ഷേമനിധിയില് അംഗത്വമെടുത്ത് 2024 മെയ് 31 നു രണ്ടു വര്ഷം പൂര്ത്തീകരിച്ച്, കുടിശ്ശിക കൂടാതെ വിഹിതം അടച്ചു വരുന്ന തൊഴിലാളികളുടെ മക്കള്ക്കാണ് ധനസഹായത്തിന് അര്ഹതയുള്ളത്. കേരളത്തിലെ ഗവ. അംഗീകൃത സ്ഥാപനങ്ങളില് സര്ക്കാര് അംഗീകൃത ഫുള്ടൈം കോഴ്സുകളില് ഡിഗ്രി, പിജി, പ്രൊഫഷണല് കോഴ്സുകള്, പോളിടെക്നിക്ക്, എഞ്ചിനീയറിംഗ്, മെഡിസിന്, അഗ്രികള്ച്ചര്, നേഴ്സിംഗ്, പാരാമെഡിക്കല് കോഴ്സുകളില് ഉപരിപഠനം നടത്തുന്നതിനാണ് ധനസഹായം.
അപേക്ഷാഫോം 10 രൂപ നിരക്കില് ബോര്ഡിന്റെ എല്ലാ ഓഫീസുകളില് നിന്നും ലഭിക്കും. വിദ്യാഭ്യാസ സ്ഥാപന മേധാവി സാക്ഷ്യപ്പെടുത്തി നല്കുന്ന അപേക്ഷാഫോമുകള് കയര് തൊഴിലാളി ക്ഷേമനിധി ബോര്ഡിന്റെ എല്ലാ ഓഫീസുകളിലും ജനുവരി 31 വരെ സ്വീകരിക്കുമെന്ന് ചീഫ് എക്സിക്യൂട്ടീവ് ഓഫീസര് അറിയിച്ചു. ഫോണ്: 0477-2251577.
ഹോസ്പിറ്റല് അഡ്മിനിസ്ട്രേഷന്
ബ്രോഡ്കാസ്റ്റ് എഞ്ചിനീയറിംഗ് കണ്സള്ട്ടന്റ്സ് ഇന്ത്യ ലിമിറ്റഡ് (ബിസില്) ട്രെയിനിംഗ് ഡിവിഷന് നടത്തുന്ന ഒരു വര്ഷം ദൈര്ഘ്യമുള്ള പിജി ഡിപ്ലോമ ഇന് ഹോസ്പിറ്റല് അഡ്മിനിസ്ട്രേഷന് (യോഗ്യത ഡിഗ്രി), പ്രൊഫഷണല് ഡിപ്ലോമ ഇന് ഹോസ്പിറ്റല് അഡ്മിനിസ്ട്രേഷന് (യോഗ്യത പ്ലസ് ടു), ഡിപ്ലോമ ഇന് ഹോസ്പിറ്റല് അഡ്മിനിസ്ട്രേഷന് (യോഗ്യത എസ്എസ്എല്സി) തുടങ്ങിയ കോഴ്സുകളിലേക്ക് അപേക്ഷ ക്ഷണിച്ചു. ഓണ്ലൈന്/റെഗുലര്/പാര്ട്ട് ടൈം ബാച്ചുകള്ളുണ്ട്. മികച്ച ഹോസ്പിറ്റലുകളില് ഇന്റേണ്ഷിപ്പ് ചെയ്യാന് അവസരം. ഫോണ്: 8304926081.
പി എസ് സി പരീക്ഷ പരിശീലനം
ന്യൂനപക്ഷ ക്ഷേമ വകുപ്പിന് കീഴില് കോഴിക്കോട് പ്രവര്ത്തിക്കുന്ന ന്യൂനപക്ഷ യുവജനങ്ങള്ക്കായുള്ള പരിശീലന കേന്ദ്രത്തില് ജനുവരിയില് ആരംഭിക്കുന്ന സൗജന്യ പി എസ് സി പരീക്ഷ പരിശീലന ബാച്ചിലേക്ക് അപേക്ഷ ക്ഷണിച്ചു. പ്രവേശന പരീക്ഷയുടെ അടിസ്ഥാനത്തിലാവും പ്രവേശനം. തിങ്കള് മുതല് വെള്ളി വരെ റെഗുലര് ബാച്ചും ശനി, ഞായര് ദിവസങ്ങളില് ഹോളിഡേ ബാച്ചുമാണ്. ആറു മാസമാണ് പരിശീലന കാലാവധി.
അപേക്ഷ ലഭിക്കേണ്ട അവസാന തിയ്യതി ഡിസംബര് 20. ഉദ്യോഗാര്ഥികള് ന്യൂനപക്ഷ വിഭാഗത്തില്പെട്ട 18 വയസ്സ് തികഞ്ഞവരായിരിക്കണം. വ്യക്തിഗത വിവരങ്ങള്, രണ്ട് പാസ്പോര്ട്ട് സൈസ് ഫോട്ടോ, യോഗ്യത തെളിയിക്കുന്ന സര്ട്ടിഫിക്കറ്റ് എന്നിവയുടെ കോപ്പി സഹിതം നേരിട്ട് അപേക്ഷിക്കണം. അപേക്ഷാഫോം കോഴിക്കോട് പുതിയറയില് ഉള്ള ഓഫീസില് ലഭിക്കും. ഫോണ്: 0495-2724610, 9446643499, 9846654930.
ദര്ഘാസ്
ജില്ലാ വ്യവസായ കേന്ദ്രത്തിന്റെ ആഭിമുഖ്യത്തില് സൂക്ഷ്മ-ചെറുകിട-ഇടത്തരം വ്യവസായ സംരംഭങ്ങളുടെ ഉല്പ്പന്ന പ്രദര്ശന വിപണന മേള ഡിസംബര് 27 മുതല് 31 വരെ കോഴിക്കോട് ബീച്ച് റോഡിലുള്ള, ആസ്പിന് കോര്ട്ട്യാര്ഡ്സില് നടത്തുന്നു. ഇതിനായി താല്ക്കാലിക സ്റ്റാളുകള് നിര്മ്മിച്ച്, ലൈറ്റ്, സൗണ്ട്. ഗേറ്റ്, മുതലായവ സ്ഥാപിക്കുന്നതിന് ജില്ലയിലെ അംഗീകൃത കരാറുകാരില് നിന്ന് മുദ്രവച്ച ദര്ഘാസുകള് ക്ഷണിച്ചു. ദര്ഘാസുകള് ഡിസംബര് 17 വൈകീട്ട് മൂന്ന് മണി വരെ ജനറല് മാനേജര്, ജില്ലാ വ്യവസായ കേന്ദ്രം, കോഴിക്കോട് എന്ന വിലാസത്തില് സ്വീകരിക്കും. ഫോണ്: 0495-2766563, 2765770.
യോഗ ടീച്ചര് ട്രെയിനിംഗില് ഡിപ്ലോമ; ലാറ്ററല് എന്ട്രിയായി അപേക്ഷിക്കാം
സ്റ്റേറ്റ് റിസോഴ്സ് സെന്ററിന്റെ ആഭിമുഖ്യത്തിലുള്ള എസ്ആര്സി കമ്മ്യൂണിറ്റി കോളേജ് യോഗ അസോസിയേഷന് ഓഫ് കേരളയുടെ സഹകരണത്തോടെ നടത്തുന്ന 2025 ജനുവരി സെഷനിലെ ഡിപ്ലോമ ഇന് യോഗ ടീച്ചര് ട്രെയിനിംഗ് പ്രോഗ്രാമിലേക്ക് ലാറ്ററല് എന്ട്രിയായി അപേക്ഷ ക്ഷണിച്ചു. പ്ലസ് ടു അഥവാ തത്തുല്യമാണ് അടിസ്ഥാന വിദ്യാഭ്യാസ യോഗ്യത. അപേക്ഷകര് 18 വയസ്സ് പൂര്ത്തിയാക്കിയിരിക്കണം. ഉയര്ന്ന പ്രായപരിധിയില്ല. എസ്ആര്സി കമ്മ്യൂണിറ്റി കോളേജ് നടത്തുന്ന സര്ട്ടിഫിക്കറ്റ് ഇന് യോഗ വിജയകരമായി പൂര്ത്തിയാക്കിയവര്ക്ക് ഡിപ്ലാമ പ്രോഗ്രാമിന്റെ രണ്ടാം സെമസ്റ്ററില് അഡ്മിഷന് എടുത്താല് മതിയാകും. https://app.srccc.in/register ലിങ്കിലൂടെ ലാറ്ററല് എന്ട്രിയ്ക്കു വേണ്ടിയുള്ള പ്രത്യേക ആപ്ലിക്കേഷന് ഫോം ഡൗണ്ലോഡ് ചെയ്ത് പൂരിപ്പിച്ച് എസ്ആര്സി ഓഫീസില് ലഭ്യമാക്കണം. അപേക്ഷകള് സ്വീകരിക്കുന്ന അവസാന തീയതി ഡിസംബര് 31. വിശദ വിവരങ്ങള് www.srccc.in ല്.
കോഴിക്കോട് ജില്ലയിലെ പഠനകേന്ദ്രം: യോഗ അസ്സോസിയേഷന് ഓഫ് കേരള, എസ്കെ പൊറ്റക്കാട് കള്ച്ചറല് സെന്റര്, പുതിയറ, കോഴിക്കോട്. ഫോണ്: 9496284414.
‘ഫിഷ് വെന്ഡിംഗ് കം ഫുഡ് ട്രക്ക്’ വിതരണം ചെയ്യുന്ന പദ്ധതിക്കായി അപേക്ഷ ക്ഷണിച്ചു
പ്രധാനമന്ത്രി മത്സ്യസമ്പാദ യോജന (പി എം എം എസ് വൈ) പദ്ധതി പ്രകാരമുളള ചാലിയം മാതൃക മത്സ്യഗ്രാമം പദ്ധതിയുടെ ഘടകപദ്ധതിയായ ‘ഫിഷ് വെന്ഡിംഗ് കം ഫുഡ് ട്രക്ക്’ വിതരണം ചെയ്യുന്ന പദ്ധതിക്കായി ചാലിയം മത്സ്യഗ്രാമത്തില് സ്ഥിരതാമസക്കാരായ 5 മുതല് 10 വരെ അംഗങ്ങളടങ്ങിയ പുരുഷ-വനിത മത്സ്യത്തൊഴിലാളി സ്വയംസഹായ/സാഫ് ഗ്രൂപ്പുകളില് നിന്നും അപേക്ഷ ക്ഷണിച്ചു. തെരഞ്ഞെടുക്കപ്പെടുന്ന ഗ്രൂപ്പുകള്ക്ക് വാഹനം ഉള്പ്പെടെ 28 ലക്ഷം രൂപയുടെ ധനസഹായം ലഭിക്കും.
അപേക്ഷകള് ബേപ്പൂര് മത്സ്യഭവന് ഓഫീസില് ഡിസംബര് അഞ്ചിനകം ലഭ്യമാക്കണം. വിവരങ്ങള്ക്ക് ബേപ്പൂര് മത്സ്യഭവന്, സാഫ് ഓഫീസ്, ജില്ലാ ഫിഷറീസ് ഓഫീസ് എന്നിവിടങ്ങളിലോ 0495-2383780 നമ്പറിലോ ബന്ധപ്പെടണം.
ലാബ് ടെക്നീഷ്യന് കൂടിക്കാഴ്ച 10 ന്
കോഴിക്കോട് ഗവ. മെഡിക്കല് കോളേജിലെ മാതൃശിശു സംരക്ഷണ കേന്ദ്രം, എച്ച്ഡിഎസിന് കീഴില് അടുത്ത ഒരു വര്ഷം ഉണ്ടാകുന്ന ലാബ് ടെക്നീഷ്യന്മാരുടെ ഒഴിവുകളിലേക്ക് താല്ക്കാലിക നിയമനത്തിനായി 825 രൂപ ദിവസക്കൂലി അടിസ്ഥാനത്തില് അപേക്ഷ ക്ഷണിച്ചു. വിദ്യാഭ്യാസ യോഗ്യത: ഡിഎംഎല്ടി/ബിഎസ്സി എംഎല്ടി (ഡിഎംഇ അംഗീകരിച്ചത്). പ്രായപരിധി: 18-36. സര്ട്ടിഫിക്കറ്റുകള് സഹിതം ഡിസംബര് 10 ന് രാവിലെ 11.30 ന് ഐഎംസിഎച്ച് സൂപ്രണ്ട് ഓഫീസില് ഇന്റര്വ്യൂവിന് നേരിട്ട് എത്തണം.
അതിഥി അദ്ധ്യാപക നിയമനം
കോഴിക്കോട് ഗവ. എഞ്ചിനീയറിംഗ് കോളേജില് 2024-25 അദ്ധ്യയന വര്ഷം ഇലക്ട്രിക്കല് ആന്റ് ഇലക്ട്രോണിക്സ് എഞ്ചിനീയറിംഗ് വിഭാഗത്തില് അസിസ്റ്റന്റ് പ്രൊഫസര് തസ്തികയില് ദിവസ വേതനാടിസ്ഥാനത്തില് നിയമനം നടത്തുന്നു.
ഉദ്യോഗാര്ത്ഥികള്ക്ക് എഐസിടിഇ, കേരള പി എസ് സി നിഷ്കര്ഷിക്കുന്ന വിദ്യാഭ്യാസ യോഗ്യതകള് വേണം. അസ്സല് സര്ട്ടിഫിക്കറ്റുകളുമായി ഡിസംബര് 12 ന് രാവിലെ 10.30 ന് സ്ഥാപനത്തില് നേരിട്ട് എത്തണം. വിവരങ്ങള് www.geckkd.ac.in ല്. ഫോണ്: 0495-2383210.
റേഷന് കാര്ഡ് മസ്റ്ററിംഗ് ക്യാമ്പ് ഇന്ന് മുതല്
കോഴിക്കോട് സിറ്റി റേഷനിംഗ് ഓഫീസ് (നോര്ത്ത്) പരിധിയിലെ മുന്ഗണന വിഭാഗത്തില്പ്പെട്ടവരുടെ റേഷന് കാര്ഡ് മസ്റ്ററിംഗ് ക്യാമ്പ് ഡിസംബര് നാല്, അഞ്ച്, ആറ്, ഏഴ് തീയതികളില് രാവിലെ 8 മുതല് വൈകീട്ട് 7 വരെ നടക്കും.
തീയ്യതി, സ്ഥലം എന്നീ ക്രമത്തില്:
ഡിസംബര് നാല്- റേഷന് കട 92- ജിഎംയുപി സ്കൂള് കോയറോഡ്. അഞ്ച്-റേഷന് കട 7-കാരപ്പറമ്പ്. ആറ്- റേഷന് കട 17- പാറോപ്പടി. ഏഴ്-റേഷന് കട 24-മൂഴിക്കല്.
ഇതിന് പുറമെ, മസ്റ്ററിംഗ് ക്യാമ്പ് കോഴിക്കോട് സിവില് സ്റ്റേഷനിലെ ‘ബി’ ബ്ലോക്കിലെ നാലാം നിലയിലെ ഓഫീസില് ഇന്ന് (ഡിസംബര് 4) രാവിലെ 10 മുതല് വൈകീട്ട് അഞ്ച് വരെയും ഉണ്ടാകും.
ക്യാമ്പില് ആയാലും ഓഫീസില് ആയാലും മസ്റ്ററിംഗിന് വരുന്നവര് റേഷന് കാര്ഡ്, ആധാര് കാര്ഡ്, ആധാര് ലിങ്ക് ചെയ്ത ഫോണ് എന്നിവ കൊണ്ടു വരണം. റേഷന് ഉപഭോക്താക്കള്ക്ക് ഓഫീസ് സമയങ്ങളില് സിറ്റി റേഷനിംഗ് ഓഫീസ് നോര്ത്തില് വന്ന് ഫേസ് ആപ്പ് വഴി E-KYC അപ്ഡേഷന് ചെയ്യാം.
കെല്ട്രോണില് മാധ്യമ പഠനം
കെല്ട്രോണ് നടത്തുന്ന മാധ്യമ കോഴ്സുകളുടെ പുതിയ ബാച്ചിലേക്ക് അപേക്ഷ ക്ഷണിച്ചു. പ്ലസ് ടു യോഗ്യത ഉളളവര്ക്കും ബിരുദം നേടിയവര്ക്കും അപേക്ഷിക്കാം. പ്രായപരിധിയില്ല. കോഴിക്കോട്, തിരുവനന്തപുരം, ജില്ലകളിലെ കെല്ട്രോണ് കേന്ദ്രങ്ങളില് ഡിസംബര് ഏഴ് വരെ അപേക്ഷിക്കാം. ഫോണ്: 9544958182, കോഴിക്കോട്: 0495-2301772, തിരുവനന്തപുരം: 0471-2325154.
