ചെറുവണ്ണൂരില് റോഡ് ഗതാഗത യോഗ്യമാക്കണമെന്ന് ആവശ്യപ്പെട്ട് റോഡില് വാഴനട്ട് സത്യാഗ്രഹം ഇരുന്ന് പ്രതിഷേധം
പേരാമ്പ്ര : ചെറുവണ്ണൂരില് റോഡ് ഗതാഗത യോഗ്യമാക്കണമെന്ന് ആവശ്യപ്പെട്ട് റോഡില് വാഴനട്ട് സത്യാഗ്രഹം ഇരുന്ന് പ്രതിഷേധം ചെറുവണ്ണൂര് ഗ്രാമ പഞ്ചായത്തിലെ മൂന്നു വാര്ഡുകളില് കൂടി കടന്നു പോകുന്ന റോഡ് ഓട്ടുവയലില് ആരംഭിച്ച് കാരയില് നട, കുറൂര് കടവ്, അറക്കല് പാലം വരെ പോകുന്ന റോഡാണില് മുയിപ്പോത്ത് വാഴാട്ടുമുക്കില് നിന്നാരംഭിച്ച് അറയ്ക്കല് കടവ് വരെ എത്തി നില്ക്കുന്ന തീരദേശ റോഡുമായി ബന്ധിപ്പിച്ചാല് വന് വികസനമാണ് മേഖലയില് ഉണ്ടാവാന് പോവുക.
കോഴിക്കോട് ജില്ലയുടെ നെല്ലറയായ ആവള പാണ്ടിയുടെ തീരപ്രദേശത്ത് കൂടിയാണ് റോഡ് കടന്നുപോകുന്നത്, റോഡിന്റെ ഇരുവശങ്ങളിലുമായി 100 കണക്കിന് കുടുംബങ്ങളാണ് താമസിക്കുന്നത് അവരുടെ നിത്യ ജീവിതത്തിലെ ഏറ്റവും പ്രധാനപ്പെട്ട റോഡാണിത്. ആവള പാണ്ടിയില് നെല്കൃഷിക്ക് ഏറ്റവും അനുയോജ്യമായിട്ടുള്ള റോഡും ഇതാണ്. മഴക്കാലമായതോടുകൂടി റോഡില്കൂടി കാല്നടയ്ക്ക് പോലും പറ്റാത്ത വിധം ദുരന്തത്തില് ആയിരിക്കുകയാണ്. നാട്ടുകാര് നിരവധി തവണ റോഡിനായി ആവശ്യപ്പെട്ടെങ്കിലും തെരഞ്ഞെടുപ്പ് സമയത്ത് മോഹന വാഗ്ദാനങ്ങള് നല്കി വോട്ട് വാങ്ങി ജയിക്കുന്നവര് തിരിഞ്ഞു നോക്കാറില്ലെന്നും റോഡ് യാഥാര്ത്ഥ്യമായാല് പേരാമ്പ്ര ഭാഗത്ത് നിന്നും വരുന്ന വാഹനങ്ങള്ക്ക് എളുപ്പത്തില് ചാനിയം കടവില് എത്താനും വടകര യാത്രയ്ക്ക് എളുപ്പമാര്ഗമാണെന്നും പ്രധാനമന്ത്രി സഡക്ക് യോജന ഉള്പ്പെടുത്തിയാല് മാത്രമേ ഈ റോഡ് യാഥാര്ത്ഥ്യമാക്കാന് സാധിക്കുമെന്നയാഥാര്ത്ഥ്യം മറച്ചുവെച്ച് ആണ് ജനപ്രതിനിധികള് പ്രവര്ത്തിക്കുന്നതെന്നു ബി ജെ പി കോഴിക്കോട് ജില്ലാ കമ്മിറ്റി അംഗം കെ. കെ. രജീഷ്
ഓട്ടുവയല് – കാരയില്നട – കുറൂര് കടവ് -അറക്കല് കടവ് പാലം വരെഏകദേശം നാല് കിലോമീറ്റര് വരുന്ന ദൂരം റോഡ് യാഥാര്ത്ഥ്യമാക്കാന് സഹായിക്കണമെന്ന് ആവശ്യപ്പെട്ടുകൊണ്ട് കേന്ദ്ര ഗ്രാമവികസന മന്ത്രാലയത്തിന് നല്കിയ നിവേദനത്തിന്റെ അടിസ്ഥാനത്തില് അനുഭാവപൂര്വ്വം പരിഗണിക്കാമെന്ന് ഉറപ്പ് ലഭിച്ചിട്ടുണ്ട്. -റോഡ് വികസന കാര്യത്തില് ജനപ്രതിനിധികള് കാണിക്കുന്ന അവഗണന തുടരാനാണ് ഭാവമെങ്കില്ശക്തമായ ജനകീയ പ്രക്ഷോഭത്തിന് നേതൃത്വം നല്കുമെന്ന് കെ. കെ. രജീഷ് പറഞ്ഞു.
