കൊടകരയില് കാലപ്പഴക്കം ചെന്ന കെട്ടിടം ഇടിഞ്ഞുവീണ് മൂന്ന് മരണം
തൃശൂര് : കൊടകരയില് കാലപ്പഴക്കം ചെന്ന കെട്ടിടം ഇടിഞ്ഞുവീണ് മൂന്ന് മരണം. കെട്ടിടത്തിനുള്ളില് കുടുങ്ങിയ രാഹുല്, അലീം, റൂബല് എന്നീ മൂന്ന് പേരും മരിച്ചു. പശ്ചിമബംഗാള് സ്വദേശികളാണ്. മൂന്ന് പേരെയും പുറത്തെടുത്തെങ്കിലും രക്ഷിക്കാനായില്ല. ശക്തമായ മഴയിലാണ് കെട്ടിടം തകര്ന്നു വീണ്ടത്. അതിഥി തൊഴിലാളികള് താമസിച്ചിരുന്ന ഇരുനില കെട്ടിടമായിരുന്നു ഇത്.
17 പേരോളം ആണ് കെട്ടിടത്തില് ഉണ്ടായിരുന്നത്. രാവിലെ ഏകദേശം ആറുമണിയോടെയാണ് കെട്ടിടം ഇടിഞ്ഞു വീണത്. വീട് തകര്ന്നുവീഴത്തോടെ മറ്റുള്ളവര് 14 പേരും ഓടി രക്ഷപ്പെടുകയായിരുന്നു.രാവിലെ എഴുന്നേറ്റ് ജോലിക്ക് പോകുന്നതിനുള്ള തയ്യാറെടുപ്പിനിടയിലാണ് അപകടം സംഭവിച്ചത്.
