ലഹരി വിരുദ്ധ ജനകീയ പ്രതിരോധം ; പന്തലായനി ബ്ലോക്ക് തല കൺവെൻഷൻ അഡ്വ: പി ഗവാസ് ഉദ്ഘാടനം ചെയ്തു

കോഴിക്കോട് ജില്ലാ പഞ്ചായത്ത് നടപ്പിലാക്കുന്ന ടു മില്ല്യൻ പ്ലഡ്ജ് എന്ന ക്യാമ്പയിൻ്റെ ഭാഗമായുള്ള പന്തലായനി ബ്ലോക്ക് തല കൺവെൻഷൻ ജില്ലാപഞ്ചായത്ത് വൈസ് പ്രസിഡണ്ട് അഡ്വ: പി ഗവാസ് ഉദ്ഘാടനം ചെയ്തു.

ബ്ലോക്ക് പഞ്ചായത്ത് പ്രസിഡണ്ട് പി ബാബുരാജ് അദ്ധ്യക്ഷത വഹിച്ച ചടങ്ങിൽ ഗ്രാമപഞ്ചായത്ത് പ്രസിഡണ്ടുമാരായ എ എം സുഗതൻ മാസ്റ്റർ, സതി കിഴക്കയിൽ, ഷീബ മലയിൽ , ബിന്ദു രാജൻ ജില്ലാ പഞ്ചായത്ത് മെമ്പർമാരായ എം പി ശിവാനന്ദൻ, സിന്ദു സുരേഷ്, ദുൽഖിഫിൽ തദേശ സ്വയംഭരണന വകുപ്പ് അസി:ഡയറക്റ്റർ സരുൺ കെ, മെഡിക്കൽ ഓഫീസർ ഷീബ കെ.ജെ, എ ഇ ഒ മജു എം കെ, ബി പി സി മധുസുദനൻ, അസി: എക്സൈസ് ഇൻപ്പെറ്റർ മനോജ്‌കുമാർ പി സി, പോലീസ് സബ്ൻസ്പെക്ടർ രജിത്ത് കെ ബ്ലോക്ക് സ്ഥിരം സമിതി ചെയർമാൻമാരായ കെ ജീവാനന്ദൻ, കെ അഭിനീഷ്, ബിന്ദു സോമൻ എന്നിവർ സംസാരിച്ചു.

ചടങ്ങിൽ ബ്ലോക്ക് പഞ്ചായത്ത് വൈസ് പ്രസിഡണ്ട് ചൈത്ര വിജയൻ സ്വാഗതം, ബ്ലോക്ക് പഞ്ചായത്ത് സെക്രട്ടറി എം പി രജുലാൽ നന്ദിയും പറഞ്ഞു