കൊല്ലം പിഷാരികാവ് ക്ഷേത്രത്തില് തൃക്കാര്ത്തിക സംഗീതോത്സവത്തിന് തിരി തെളിഞ്ഞു
കൊയിലാണ്ടി: കൊല്ലം പിഷാരികാവ് ക്ഷേത്രത്തില് തൃക്കാര്ത്തിക സംഗീതോത്സവത്തിന് തിരി തെളിഞ്ഞു. വെള്ളിയാഴ്ച വൈകിട്ട് സംഗീത മഹത് പ്രതിഭാ സംഗമം സംഗീത സംവിധായകന് എം.ജയചന്ദ്രന് ഉദ്ഘാടനം ചെയ്തു. പിഷാരികാവ് ക്ഷേത്രം ട്രസ്റ്റിബോര്ഡ് ചെയര്മാന് ഇളയിടത്ത് വേണുഗോപാല് അധ്യക്ഷനായി.
മലബാര് ദേവസ്വം ബോര്ഡ് കമ്മീഷണര് ടി. സി. ബിജു മുഖ്യാതിഥിയായി. ട്രസ്റ്റി ബോർഡ് അംഗങ്ങളായ പുനത്തിൽ നാരായണൻകുട്ടി നായർ, എരോത്ത് അപ്പുക്കുട്ടി നായർ, മുണ്ടക്കൽ ഉണ്ണികൃഷ്ണൻ നായർ ,വാഴയിൽ ബാലൻ നായർ, സി. ഉണ്ണികൃഷ്ണൻ, ടി. ശ്രീപുത്രൻ, എം. ബാലകൃഷ്ണൻ, പി. പി. രാധാകൃഷ്ണൻ, എക്സിക്യൂട്ടീവ് ഓഫീസർ കെ. കെ. പ്രമോദ് കുമാർ, ദേവസ്വം മാനേജർ വി. പി. ഭാസ്കരൻ, ബാലൻ അമ്പാടി തുടങ്ങിയവർ സംസാരിച്ചു.
തുടര്ന്ന് ഞെരളത്ത് ഹരിഗോവിന്ദന്റെ സോപാന സംഗീതം ഹൃദ്യമായി. മണികണ്ഠൻ പെരിങ്ങോട് ഇടയ്ക്കയിൽ അകമ്പടി സേവിച്ചു.
