കോഴിക്കോട് മാതൃ ശിശു സംരക്ഷണ കേന്ദ്രം: ശസ്ത്രക്രിയാ പിഴവ് ആരോഗ്യ വകുപ്പ് മന്ത്രി അടിയന്തര റിപ്പോര്ട്ട് തേടി
കോഴിക്കോട് മാതൃ ശിശു സംരക്ഷണ കേന്ദ്രം: ശസ്ത്രക്രിയാ പിഴവ് ആരോഗ്യ വകുപ്പ് മന്ത്രി അടിയന്തര റിപ്പോര്ട്ട് തേടി
കോഴിക്കോട് മെഡിക്കല് കോളേജ് മാതൃ ശിശു സംരക്ഷണ കേന്ദ്രത്തില് നാല് വയസുകാരിയ്ക്ക് ശസ്ത്രക്രിയാ പിഴവ് സംഭവിച്ചെന്ന പരാതിയില് അടിയന്തരമായി അന്വേഷണം നടത്തി റിപ്പോര്ട്ട് സമര്പ്പിക്കാന് ആരോഗ്യ വകുപ്പ് മന്ത്രി വീണാ ജോര്ജ് മെഡിക്കല് വിദ്യാഭ്യാസ ഡയറക്ടര്ക്ക് നിര്ദേശം നല്കി.
കോഴിക്കോട്: കോഴിക്കോട് മെഡിക്കല് കോളേജില് കൈയ്യിലെ ആറാംവിരല് മുറിച്ചുമാറ്റാനെത്തിയ കുട്ടിയുടെ നാവിൽ ശസ്ത്രക്രിയ നടത്തിയതായാണ് പരാതി. വ്യാഴാഴ്ച രാവിലെയായിരുന്നു കുട്ടിയുടെ കുടുംബം ശസ്ത്രക്രിയയ്ക്കെത്തിയത്.
കുട്ടി കരഞ്ഞപ്പോഴാണ് നാവിലെ പ്രശ്നം ശ്രദ്ധയിൽപ്പെട്ടതെന്നും അതിനാൽ അത് ശസ്ത്രക്രിയ ചെയ്ത് നീക്കം ചെയ്തുവെന്നും കോഴിക്കോട് മെഡിക്കൽ കോളേജ് ആശുപത്രിയിലെ അമ്മയും കുഞ്ഞും വിഭാഗം സൂപ്രണ്ട് പറഞ്ഞു. കുട്ടിയുടെ ബന്ധുക്കളോട് വിവരം പറയാൻ സാധിച്ചില്ല. കുട്ടിയുടെ ബന്ധുക്കളുമായി നടത്തിയ ആശയവിനിമയത്തിൽ വന്ന അപാകതയാണ് കാരണമെന്നും അദ്ദേഹം വ്യക്തമാക്കി.
