കോഴിക്കോട്ടെ പോലീസുകാരുടെ പരാതി പരിഹാരത്തിന് ഡിജിപിയുടെ ഓണ്ലൈന് അദാലത്ത് ഏപ്രില് 16ന്
കോഴിക്കോട് സിറ്റിയിലെയും റൂറലിലെയും പോലീസ് ഉദ്യോഗസ്ഥരുടെയും വിരമിച്ച ഉദ്യോഗസ്ഥരുടേയും സര്വീസ് സംബന്ധമായ പരാതികളില് പരിഹാരം കാണുന്നതിന് സംസ്ഥാന പോലീസ് മേധാവി ഷെയ്ഖ് ദര്വേഷ് സാഹിബ് ഏപ്രില് 16ന് ഓണ്ലൈന് അദാലത്ത് നടത്തും.
പരാതികള്
ലഭിക്കേണ്ട അവസാന തീയതി മാര്ച്ച് എട്ട്.
പരാതികള് spctalks.pol@kerala.gov.in എന്ന വിലാസത്തില് ആണ് അയക്കേണ്ടത്. പരാതിയില് മൊബൈല് നമ്പര് ഉള്പ്പെടുത്തണം. ഹെല്പ് ലൈന്-9497900243.
സ്പെഷ്യല് ആര്മ്ഡ് പോലീസ് (എസ്.എ.പി), കേരള ആര്മ്ഡ് പോലീസ് (കെ.എ.പി) മൂന്ന്, നാല്, അഞ്ച്, ആറ് ബറ്റാലിയനുകളിലെ പോലീസ് ഉദ്യോഗസ്ഥരുടെ പരാതികള് ഏപ്രില് 30ന് പരിഗണിക്കും. പരാതികള് ലഭിക്കേണ്ട അവസാന തീയതി മാര്ച്ച് 18.
SPC Talks with Cops എന്ന പരിപാടിയില് സര്വീസില് ഉള്ളതും
വിരമിച്ചതുമായ പോലീസ് ഉദ്യോഗസ്ഥരുടെ സര്വീസ് സംബന്ധമായ പരാതികളാണ് പരിഗണിക്കുന്നത്. ഇത് നേരിട്ട് സംസ്ഥാന പോലീസ് മേധാവിയുടെ ശ്രദ്ധയില്പ്പെടുത്തി പരിഹാരം കാണാം. പോലീസ് ഉദ്യോഗസ്ഥര്ക്ക് മേലധികാരി മുഖേനയല്ലാതെ നേരിട്ട് തന്നെ പരാതി നല്കാം എന്നതാണ് പ്രത്യേകത.
