വീട്ടിലെ ഗ്യാസ് സിലിണ്ടര് ലീക്കായത് പരിഭ്രാന്തി പടര്ത്തി
കൊയിലാണ്ടി സൂരജ് ഓഡിറ്റോറിയത്തിന് പിറകിലുള്ള ക്രസന്റ് ഹൗസില് മൊയ്തീന് കുട്ടിയുടെ വീട്ടിലെ ഗ്യാസ് സിലിണ്ടറില് റെഗുലേറ്റര് ഫിറ്റ് ചെയ്യുന്നതിനുള്ള നോബ് പൊട്ടി ഗ്യാസ് ലീക്കായത്. വിവരം കിട്ടിയതിനെ തുടര്ന്ന് കൊയിലാണ്ടിയില് നിന്നും അഗ്നിരക്ഷാസേന എത്തിയപ്പോള് ഗ്യാസ് സിലിണ്ടര് വന് ശബ്ദത്തോടെ ലീക്കാകുകയും തണുത്തുറഞ്ഞു നില്ക്കുകയും ആയിരുന്നു. ശേഷം റെഗുലേറ്റര് അഴിച്ചുമാറ്റി ഗ്യാസ് ലീക്ക് പൂര്ണ്ണമായും ഇല്ലാതാക്കി സിലിണ്ടര് സുരക്ഷിതമാക്കി.
ഇന്ന് രാത്രി എട്ടുമണിയോടെ കൂടിയാണ് സംഭവം ഗ്രേഡ് അസിസ്റ്റന്റ് സ്റ്റേഷന് ഓഫീസര് കെ. പ്രദീപിന്റെ നേതൃത്വത്തില് ഫയര് ആന്ഡ് റെസ്ക്യൂ ഓഫീസര്മാരായ ബി. ഹേമന്ത്, ജിനീഷ് കുമാര്, ഇ എം നിധിപ്രസാദി, കെ പി റഷീദ്, ഹോം ഗാര്ഡ് സുജിത്ത് എന്നിവര് രക്ഷാപ്രവര്ത്തനത്തില് ഏര്പ്പെട്ടു.
