മദ്യനിരോധന മഹിളാവേദി അനിശ്ചിതകാല മലപ്പുറം സത്യാഗ്രഹത്തിന് ഐക്യദാര്‍ഢ്യവും സമ്മേളനവും
കൊയിലാണ്ടി: മദ്യനിരോരോധനസമിതിയുടെ 400 ദിവസം പിന്നിട്ട അനിശ്ചിതകാല മലപ്പുറം സത്യാഗ്രഹത്തിന് ഐക്യദാര്‍ഢ്യം പ്രഖ്യാപിച്ചു കൊണ്ടുള്ള മഹിളാ വേദിയുടെ സമ്മേളനം മദ്യനിരോധനസമിതി സംസ്ഥാന വൈസ് പ്രസിഡണ്ട് അഡ്വ.സുജാത വര്‍മ ഉദ്ഘാടനം ചെയ്തു. കൊയിലാണ്ടി ബസ്സ്റ്റാന്റ് പരിസരത്ത് നടന്ന പരിപാടിയില്‍ വേദി ജില്ലാ പ്രസിഡണ്ട് സതി മടപ്പള്ളി അധ്യക്ഷ വഹിച്ചു.
മദ്യനിരോധന സമിതി സ്റ്റേറ്റ് ട്രഷറര്‍ ഖദിജനര്‍ഗീസ് മുഖ്യപ്രഭാഷണം നടത്തി. മഹിളാ വേദി സംസ്ഥാന ജന. സെക്രട്ടറി ഇയ്യച്ചേരി പദ്മിനി, മദ്യനിരോധനസമിതി ജില്ലാ പ്രസിഡണ്ട് സുമാ ബാലകൃഷ്ണന്‍, വിമണ്‍ ജസ്റ്റീസ് മൂവ്‌മെന്റ് സംസ്ഥാന ജനറല്‍ സെക്രട്ടറി ചന്ദ്രിക കൊയിലാണ്ടി, എം.ജി.എം ജില്ലാപ്രസിഡണ്ട് സോഫിയ ടീച്ചര്‍, മഹിളാവേദി ജില്ലാ വൈസ് പ്രസിഡണ്ട് രമാദേവി ടീച്ചര്‍, മൂടാടി ഗ്രാമ പഞ്ചായത്ത് മെമ്പര്‍ ലതിക പുതുക്കുടി, വിമണ്‍ ഇന്ത്യാ മൂവ്‌മെന്റ് ജില്ലാസെക്രട്ടറി ജസിയ, മഹിളാ വേദി ജില്ലാസെക്രട്ടറി ഉഷാനന്ദിനി, ട്രഷറര്‍ ബിന്ദു കെ.എം എന്നിവര്‍ പ്രസംഗിച്ചു.
നേരത്തെ നടന്ന പ്രകടനത്തിന് സജ്‌ന പിരിശത്തില്‍, സറീന സുബൈര്‍, അശ്വതീ രാജേഷ്, ആസ്യാബീ കാരാടി , റസീന പയ്യോളി, സുഗന്ധി കുന്ദമംഗലം നേതൃത്വം കൊടുത്തു.
