ലോക കൊതുകു ദിനം; നിയന്ത്രണ നിവാരണ പ്രവര്ത്തനങ്ങളും മായി നടുവത്തൂര് ശ്രീ വാസുദേവ ആശ്രമ ഗവ. ഹയര് സെക്കന്ഡറി സ്കൂള് ഗൈഡ്സ് യൂണിറ്റ് സജീവം
കീഴരിയൂര്: എല്ലാ വര്ഷവും ആഗസ്റ്റ് 20 നാണ് ലോക കൊതുക് ദിനമായി ആചരിക്കുന്നത്. കൊതുകുജന്യ രോഗങ്ങള് വര്ദ്ധിച്ചു വരുന്ന സാഹചര്യത്തിലാണ് വീണ്ടുമൊരു കൊതുകുദിനം വരുന്നത്. പെണ് കൊതുകുകള് മനുഷ്യര്ക്കിടയില് മലേറിയ പകര്ത്തുന്നുവെന്ന് 1897 ല് ബ്രിട്ടീഷ് ഡോക്ടര് സര് റൊണാള്ഡ് റോസ് കണ്ടെത്തിയതിന്റെ സ്മരണയ്ക്കായാണ് ഈ ദിനാചരണം.
കൊതുകുവഴി പകരുന്ന രോഗങ്ങള്ക്കെതിരെ പോരാടുവാന് ജനങ്ങളെ സജ്ജമാക്കുക, കൊതുക് നിയന്ത്രണ നിവാരണ പ്രവര്ത്തനങ്ങള് ഊര്ജ്ജിതമാക്കുക എന്നിവയൊക്കെയാണ് ഈ ദിനാചരണത്തിന്റെ ലക്ഷ്യം.
ദിനാചരണത്തിന്റെ ഭാഗമായി നടുവത്തൂര് ശ്രീ വാസുദേവ ആശ്രമ ഗവണ്മെന്റ്
ഹയര് സെക്കന്ഡറി സ്കൂള് ഗൈഡ്സ് യൂണിറ്റ് അംഗങ്ങള് നോട്ടീസ് വിതരണം ചെയ്യുകയും ബോധവല്ക്കരണം നടത്തുകയും ചെയ്തു. കീഴരിയൂര് പഞ്ചായത്ത് പ്രസിഡന്റ് കെ. കെ. നിര്മ്മല ടീച്ചര് പരിപാടി ഉദ്ഘാടനം ചെയ്തു. ഗൈഡ്സ് യൂണിറ്റ് അംഗം പി. പി. ദേവനന്ദ, ഭാവന ബാലകൃഷ്ണന്, പി. എം. അര്ച്ചന എന്നിവര് പരിപാടിക്ക് നേതൃത്വം നല്കി.
