എ ആര് റഹ്മാനും സംവിധായകന് മണിരത്നത്തിനും ഒപ്പമുള്ള ഫോട്ടോ പങ്കുവച്ചു ബേസില് ജോസഫ്; ഇന്ന് എന്റെ ഫാന്ബോയ് നിമിഷം എന്ന് അടിക്കുറിപ്പ്
ബിഗ് സ്ക്രീനില് എത്തി ചുരുങ്ങിയ കാലം കൊണ്ടുതന്നെ മലയാള സിനിമാ മേഖലയില് തന്റേതായൊരിടം സ്വന്തമാക്കിയ താരമാണ് ബേസില് ജോസഫ്. ഇപ്പോഴിതാ ബേസില് പങ്കുവച്ചൊരു പോസ്റ്റാണ് സമൂഹമാധ്യമങ്ങളില് ശ്രദ്ധനേടുന്നത്.
എ ആര് റഹ്മാനും സംവിധായകന് മണിരത്നത്തിനും ഒപ്പമുള്ള ഫോട്ടോയ്ക്ക് ഒപ്പമാണ് ബേസിലിന്റെ പോസ്റ്റ്. ‘ഈ ഇതിഹാസങ്ങള് ഒന്നിലധികം വഴികളില് എന്നെ പ്രചോദിപ്പിച്ചിട്ടുണ്ട്.
അവര്ക്കൊപ്പം ആയിരുന്നു ഇന്ന് എന്റെ ഫാന്ബോയ് നിമിഷം’, എന്നാണ് ബേസില് കുറിച്ചത്. പിന്നാലെ നിരവധി പേരാണ് പോസ്റ്റ് താഴെ അഭിനന്ദനങ്ങളുമായി രംഗത്തെത്തിയത്.
അതേസമയം, ഹിന്ദുസ്ഥാന് ടൈംസ് ഒടിടി പ്ലെ ‘ചേഞ്ച് മേക്കേഴ്സ്’ അവാര്ഡുകളില് ‘ഇന്സ്പയറിംഗ് ഫിലിം മേക്കര് ഓഫ് ദ ഇയര്’ അവാര്ഡ് ബേസിലിന് ലഭിച്ചിരുന്നു.
നേരത്തെ ജെസിഐ ഇന്ത്യയുടെ ഔട്ട്സ്റ്റാന്റിംഗ് യങ് പേഴ്സണ് അവാര്ഡ് ബേസിലിന് ലഭിച്ചിരുന്നു. അമിതാഭ് ബച്ചന്, കപില് ദേവ്, സച്ചിന്, പി ടി ഉഷ തുടങ്ങി നിരവധി ലോകപ്രശസ്തര് കരസ്ഥമാക്കിയ അവാര്ഡ് ആണ് ബേസില് ജോസഫും സ്വന്തമാക്കിയത്.
