കേരള ബ്ലാസ്റ്റേഴ്സിന് അഞ്ച് കോടി പിഴ
ഇന്ത്യന് സൂപ്പര് ലീഗില് ബെംഗളൂരു എഫ്.സിക്കെതിരായ നോക്കൗട്ട് മത്സരത്തില് കളി തീരും മുമ്പേ കളം വിട്ടതിന് കേരളാ ബ്ലാസ്റ്റേഴ്സ് അഞ്ച് കോടി രൂപ പിഴ നല്കേണ്ടി വരുമെന്ന് റിപ്പോര്ട്ട്. ഓള് ഇന്ത്യ ഫുട്ബോള് ഫെഡറേഷന്റെ അച്ചടക്ക സമിതിയാണ് ബ്ലാസ്റ്റേഴ്സിന് പിഴ ഈടാക്കാന് തീരുമാനിച്ചതെന്നും റിപ്പോര്ട്ടില് പറയുന്നു.
എ.ഐ.എഫ്.എഫ് ഡിസിപ്ലിനറി കോഡിലെ 56 ആര്ട്ടിക്കിള് പ്രകാരമാണ് ബ്ലാസ്റ്റേഴ്സിനെതിരെ നടപടി.
ചട്ടപ്രകാരം ഏറ്റവും കുറഞ്ഞത് ആറ് ലക്ഷം രൂപ ഫൈനോ ടൂര്ണമെന്റില് നിന്ന് വിലക്കുകയോ ഭാവി മത്സരങ്ങള് കളിപ്പിക്കാതിരിക്കുകയോ ചെയ്യാം. ബ്ലാസ്റ്റേഴ്സിനെ ടൂര്ണമെന്റില് നിന്നോ തുടര് മത്സരങ്ങളില് നിന്നോ വിലക്കാന് സാധ്യതയില്ലെങ്കിലും പിഴ ഈടാക്കുന്ന കാര്യത്തില് വിട്ടുവീഴ്ചയുണ്ടാകില്ലെന്നാണ് റിപ്പോര്ട്ടില് പറയുന്നത്.
