വയനാട്ടില് ആനയുടെ ആക്രമണത്തില് ഒരാള് മരിച്ചു
വയനാട്ടില് കാട്ടാന ആക്രമണം. ജനവാസ മേഖലയില് എത്തിയ ആന വീടിന്റെ ഗേറ്റും മതിലും തകര്ത്ത് അകത്ത് കടന്നു. ആനയുടെ ആക്രമണത്തില് ഒരാള് മരിച്ചു. ഇന്നു രാവിലെ അതിര്ത്തിയിലെ കാട്ടില് നിന്നെത്തിയ ആന പടമലയിലെ ജനവാസ മേഖലയിലാണ് എത്തിയത്.
പടമല ചാലിഗദ്ധ കോളനിയിലെ ട്രാക്ടര് ഡ്രൈവറായ അജിയാണ് കൊല്ലപ്പെട്ടത്. കര്ണാടകയില് നിന്നുള്ള റേഡിയോ കോളര് ഘടിപ്പിച്ച ആനയാണ് വയനാട്ടിലിറങ്ങിയത്. ഇത് മോഴയാനയാണ്. ആനയുടെ ആക്രമണത്തിന്റെ പശ്ചാത്തലത്തില് മാനന്തവാടി നഗരസഭയിലെ 4 വാര്ഡുകളില് 144 പ്രഖ്യാപിച്ചു.
