ബാഫഖി തങ്ങള് ദേശിയ സെമിനാര് ഫെബ്രുവരി 11 ന് കൊയിലാണ്ടിയില്
കൊയിലാണ്ടി: സ്വതന്ത്ര ഇന്ത്യയില് മുസ്ലിം ലീഗ് വളര്ച്ചയില് ശ്രദേധയമായ പ്രവര്ത്തനങ്ങള്ക്ക് നേതൃത്വം നല്കുകയും കേരളത്തില് മുന്നണി രാഷ്ട്രീയത്തിന്റെ പ്രയോക്താവും രാഷ്ട്രീയ തന്ത്രജ്ഞനുമായിരുന്ന സയ്യിദ് അബ്ദുറഹിമാന് ബാഫഖി തങ്ങള് വിടപറഞ്ഞിട്ട് 51 വര്ഷം പിന്നിടുകയാണ്
മുസ്ലിം ലീഗിന്റെ സ്ഥാപക നേതാക്കളില് പ്രമുഖനും ഇന്ത്യയുടെ രാഷ്ട്രീയ ചരിത്രത്തില് അനിര്വചനീയമായ വ്യക്തിത്വത്തിന്റെ ഉടമയും പാര്ശ്വവല്ക്കരിക്കപ്പെട്ട പിന്നോക്ക അധസ്ഥിത വിഭാഗത്തിന്റെ ഉന്നമനത്തിനായ് പ്രവര്ത്തിക്കുകയും ചെയ്ത ബാഫഖിതങ്ങള് രാഷ്ട്രിയ, മത, സാമൂഹ്യ രംഗത്തെ നിറസാന്നിധ്യവും കേരള നവോത്ഥാനത്തിനു സൃഷ്ടിപരമായി നേതൃത്വം നല്കിയ വ്യക്തിത്വവുമായിരുന്നു.
1934 ല് തലശ്ശേരിയില് നിന്നും ആരംഭിച്ച ചന്ദ്രികയുടെ വളര്ച്ചയില് വലിയ പങ്ക് വഹിച്ച ബാഫഖി തങ്ങളുടെ ഓര്മ്മയ്ക്ക് ചന്ദ്രികയുടെ നവതി ആഘോഷങ്ങളുടെ ഭാഗമായാണ് ബാഫഖി തങ്ങളുടെ ജന്മനാടായ കൊയിലാണ്ടിയില് ഫെബ്രു 11 ന് ഞായറാഴ്ച 10 മണി മുതല് 4 മണി വരെ കോഴിക്കോട് ജില്ലാ മുസ്ലിം ലീഗ് കമ്മിറ്റിയുടെ നേതൃത്വത്തില് ബാഫഖി തങ്ങള് ദേശിയ സെമിനാര് സംഘടിപ്പിക്കുന്നത്.
കൊയിലാണ്ടി ടൗണ് ഹാളില് നടക്കുന്ന സെമിനാര് മുസ്ലിം ലീഗ് സംസ്ഥാന അധ്യക്ഷന് പാണക്കാട് സയ്യിദ് സ്വാദിഖലി ശിഹാബ് തങ്ങള് ഉദ്ഘാടനം ചെയ്യും. ബാഫഖി തങ്ങള് പുനര്വായന (അനുസ്മരണം. ) ‘മുന്നണി രാഷ്ട്രീയം കേരള മാതൃക’
‘പുതിയ ഇന്ത്യയിലെ മാധ്യമ നൈതികത’ എന്നിങ്ങനെ 3 സെഷനുകളിലായി നടക്കുന്ന പരിപാടിയില് മുസ്ലിം ലീഗ് ദേശീയ ജനറല് സെക്രട്ടറി പി. കെ കുഞ്ഞാലിക്കുട്ടി സാഹിബ് , പ്രതിപക്ഷ നേതാവ് വി.ഡി സതീശന്, ഇ. ടി. മുഹമ്മദ് ബഷീ എം.പി. , പ്രമുഖ മാധ്യമ പ്രവര്ത്തകര്നും എഴുത്തു കാരനുമായ രാം പുനിയാനി, ഹാഫിള് സയ്യിദ് ഹുസൈന് ബാഫഖി തങ്ങള്, അഡ്വ. പി. എം. എ. സലാം,
പി. കെ. കെ. ബാവ, കെ. മുരളീധരന് എം.പി, ഡോ എം. കെ. മുനീര് എം എല് എ, സി പി ജോണ്, സി സീഡീഖ് കാപ്പന്, സി പി സൈതലവി തുടങ്ങിയ രാഷ്ട്രീയ, സാമൂഹ്യ മധ്യമ രംഗത്തെ പ്രമുഖര് സംസാരിക്കും.
പരിപാടി മുസ്ലിം ലീഗ് സംസ്ഥാന നേതാക്കളായ, എം സി മായിന് ഹാജി, ഉമ്മര് പാണ്ടികശാല, പാറക്കല് അബ്ദുള്ള, സി പി ചെറിയ മുഹമ്മദ്, ഷാഫി ചാലിയം, യു. സി രാമന് തുടങ്ങിയവര് സംബന്ധിക്കും.
ചരിത്രമുറങ്ങുന്ന കൊയിലാണ്ടിയെ പറ്റി നിയോജക മണ്ഡലം മുസ്ലിം ലീഗ് ബാഫഖി തങ്ങള് ട്രസ്റ്റിന്റെ സഹകരണത്തോടെ പുറത്തിറക്കുന്ന പന്തലായനിയുടെ വര്ത്തമാനം എന്ന ചരിത്രസമാഹരണത്തിന്റെ ലോഗോ പ്രകാശനവും ചടങ്ങില് സാദിഖലി തങ്ങള് നിര്വ്വഹിക്കും.
ഓണ്ലൈന്
റജിസ്ട്രേഷന് നടത്തിയ ആയിരത്തോളം പ്രതിനിധികള് സെമിനാറില് പങ്കെടുക്കും.
സെമിനാര് വര്ത്തമാന രാഷ്ട്രീയ സാഹചര്യത്തില് വിവിധ വിഷയങ്ങളില് ചര്ച്ചനടക്കും, സെമിനാര് വിജയിപ്പിക്കാനുള്ള എല്ലാഒരുക്കങ്ങളും പൂര്ത്തിയതായി
സംഘാടക സമിതി ചെയര്മാന് ജില്ലാ മുസ്ലിം ലീഗ് പ്രസിഡണ്ട് എം. എ. റസാഖ് മാസ്റ്റര്,
ജനറല് കണ്വീനര് ജില്ലാ ലീഗ് ജനറല് സെക്രട്ടറി ടി. ടി. ഇസ്മായില് എന്നിവര് അറിയിച്ചു.
വാര്ത്താസമ്മേളനത്തില് സംഘാടക സമിതി ഭാരവാഹികളായ വി. പി. ഇബ്രാഹിം കുട്ടി, സി. ഹനീഫ മാസ്റ്റര്, മഠത്തില് അബ്ദുറഹിമാന്, അലി കൊയിലാണ്ടി, കെ എം നജീബ്, എ. അസീസ് മാസ്റ്റര് എന്നിവര് പങ്കെടുത്തു.
