ബോധവത്ക്കരണ ക്ലാസും സന്ദേശ റാലിയും സംഘടിപ്പിച്ചു
കൊയിലാണ്ടി നഗരസഭ താലൂക്ക് ആശുപത്രി സാന്ത്വനം പാലിയേറ്റീവ് കെയറിന്റെ ഭാഗമായി പാലിയേറ്റീവ് ദിനാചരണ സന്ദേശ റാലിയും ബോധവത്ക്കരണ ക്ലാസും സംഘടിപ്പിച്ചു. പരിപാടിയുടെ ഉദ്ഘാടനം നഗരസഭ ചെയര്പേഴ്സണ് സുധ കിഴക്കേപാട്ട് നിര്വ്വഹിച്ചു. സന്ദേശ റാലി നഗരസഭാ ആരോഗ്യ സ്റ്റാന്ഡിങ് കമ്മിറ്റി ചെയര്പേഴ്സണ് സി പ്രജില ഫ്ലാഗ് ഓഫ് ചെയ്തു. ചടങ്ങില് വൈസ് ചെയര്മാന് അഡ്വ കെ സത്യന് അധ്യക്ഷത വഹിച്ചു.
പാലിയേറ്റീവ് ഇന് ചാര്ജ് ഡോക്ടര് റഷീദ് പാലിയേറ്റീവ് ദിന സന്ദേശ പ്രതിജ്ഞ ചൊല്ലി കൊടുത്തു. വികസനകാര്യ സ്റ്റാന്റിംഗ് കമ്മിറ്റി ചെയര്പേഴ്സണ് ഇന്ദിര ടീച്ചര്, വാര്ഡ് കൗണ്സിലര്മാരായ അസീസ് മാസ്റ്റര്, വി പി ഇബ്രാഹിം കുട്ടി, രത്നവല്ലി ടീച്ചര്, ഷീബ അരീക്കല്, വിഷ്ണു, റഹ്മത്ത്, സുമതി, സുമേഷ്, ജൂനിയര് ഹെല്ത്ത് ഇന്സ്പെക്ടര് രാജീവ്, കൊയിലാണ്ടി റെഡ് ക്രോസ് പ്രതിനിധി രാജന്, പി.ആര്. ഒ. ജയപ്രവീണ് എന്നിവര് സംസാരിച്ചു. കൊയിലാണ്ടി താലൂക്ക് ആശുപത്രി സൂപ്രണ്ട് ഡോ. വിനോദ് വി സ്വാഗതവും ആര്.എം.ഒ ഡോ. അസീസ് നന്ദിയും പറഞ്ഞു.
പാലിയേറ്റീവ് വളണ്ടിയര്മാരായ സബിത, നൗഷിത, ശ്രുതി, വിപിന്, ഗവണ്മെന്റ് വൊക്കേഷണല് ഹയര് സെക്കന്ഡറി സ്കൂള് പന്തലായനി, ഗവണ്മെന്റ് വൊക്കേഷണല് ഹയര് സെക്കന്ഡറി സ്കൂള് കൊയിലാണ്ടി എന്നിവിടങ്ങളിലെ ജൂനിയര് റെഡ്ക്രോസ് വിദ്യാര്ത്ഥികള്, നഴ്സിംഗ് സൂപ്രണ്ട്, ഫീല്ഡ് തല ആരോഗ്യ പ്രവര്ത്തകര്, ആശുപത്രി ജീവനക്കാര്, ആശാ പ്രവര്ത്തകര് എന്നിവര് റാലിയില് പങ്കെടുത്തു.
