വടകരയില് ഒരു വര്ഷമായി അടച്ചിട്ട കടമുറി പൊളിച്ചുനീക്കിയപ്പോള് കണ്ടത് മനുഷ്യന്റെ തലയോട്ടി
വടകര: കുഞ്ഞിപ്പള്ളിയില് ഒരു വര്ഷത്തിലേറെയായി അടച്ചിട്ട കടമുറി പൊളിച്ചു നീക്കുന്നതിനിടെ മനുഷ്യന്റെ തലയോട്ടി കണ്ടെത്തി. ദേശീയപാതാ നിര്മാണത്തിനായി കെട്ടിടംപൊളിച്ചു മാറ്റുന്നതിനിടയിലാണ് തൊഴിലാളികള് തലയോട്ടി കണ്ടത്.
ആറ് മാസത്തിലേറെ പഴക്കമുള്ള ശരീരാവശിഷ്ടമാണെന്ന് കരുതുന്നു. ഷട്ടര് അടച്ചിട്ട നിലയിലായിരുന്നു കട. പേപ്പര്, പ്ലാസ്റ്റിക്ക് അവശിഷ്ടങ്ങള്ക്കിടയിലാണ് മനുഷ്യന്റെ തലയോട്ടി കണ്ടെത്തിയത്. ചോമ്പാല പോലീസ് സ്ഥലത്തെത്തി പരിശോധന നടത്തിവരുന്നു.
