ആകാശ വിസ്മയമായി പാരാമോട്ടോറിംഗ്: കൗതുകത്തോടെ കണ്ടാസ്വദിച്ച് കാണികള്
മൂന്നാമത് ബേപ്പൂര് അന്താരാഷ്ട്ര വാട്ടര് ഫെസ്റ്റിവലിനോട് അനുബന്ധിച്ച് സംഘടിപ്പിച്ച പാരാമോട്ടോറിംഗ് കൗതുകത്തോടെ കണ്ടാസ്വദിച്ച് കാണികള്. പാരാമോട്ടോറില് സഞ്ചരിക്കുന്ന പൈലറ്റ് കാണികളില് ആവേശമായി.
ബേപ്പൂര് അന്താരാഷ്ട്ര വാട്ടര് ഫെസ്റ്റിവല് വീക്ഷിക്കാന് ബേപ്പൂര് മറീന ബീച്ചിലെത്തിയവര്ക്കാണ് പാരാമോട്ടോറിംഗ് കൗതുകക്കാഴ്ചയായത്.
കോഴിക്കോട്ടുകാര്ക്ക് അത്ര പരിചയമില്ലാത്ത സാഹസിക പ്രകടനം ആളുകള് വിസ്മയത്തോടെ നോക്കി നിന്നു. കടലിനു മീതെ കൂടെയുള്ള ആകാശയാത്ര കുട്ടികള്ക്കും കൗതുകക്കാഴ്ച്ചയായി. രണ്ട് പാരാമോട്ടോര് ഗ്ലൈഡര്മാര് ആകാശത്ത് പ്രകടനം നടത്തിയത്.
ഗോതീശ്വരം ബീച്ചില് നിന്നും പറന്നുയര്ന്ന ഗ്ലൈഡറുകള് ബേപ്പൂര് ബീച്ചിലൂടെ ആകാശത്ത് അത്ഭുതക്കാഴ്ച്ചയൊരുക്കി. കോഴിക്കോട്ടുകാരായ സലീം ഹസ്സന്, സുനില് എന്നിവര് ചേര്ന്നാണ് പാരാമോട്ടോറിംഗിന് നേതൃത്വം നല്കിയത്.
