നവകേരള സദസ്സിന് സുരക്ഷയൊരുക്കിയ പൊലീസുകാരില് മികച്ച പ്രവര്ത്തനം കാഴ്ചവെച്ചവര്ക്ക് ഗുഡ് സര്വീസ് എന്ട്രി
തിരുവനന്തപുരം: നവകേരള സദസ്സിന് സുരക്ഷയൊരുക്കിയ പൊലീസുകാര്ക്ക് പ്രത്യേക സമ്മാനം പ്രഖ്യാപിച്ചു. മികച്ച പ്രവര്ത്തനം കാഴ്ചവെച്ചവര്ക്ക് ഗുഡ് സര്വീസ് എന്ട്രി നല്കും. സിവില് പൊലീസ് ഓഫീസര് മുതല് ഐജി വരെയുള്ള പൊലീസ് ഉദ്യോഗസ്ഥര്ക്കാണ് സമ്മാനം നല്കുന്നത്.
ക്രമസമാധാന ചുമതലയുള്ള എഡിജിപി എം ആര് അജിത് കുമാറിന്റേതാണ് നടപടി. പൊലീസ് മികച്ച പ്രവര്ത്തനം കാഴ്ചവെച്ചു എന്നാണ് എഡിജിപിയുടെ വിലയിരുത്തല്. സ്തുത്യര്ഹ സേവനം നടത്തിയവര്ക്ക് ഗുഡ് സര്വീസ് എന്ട്രി നല്കാനാണ് എസ്പിമാര്ക്കും ഡിഐജിമാര്ക്കും നിര്ദ്ദേശം നല്കിയിരിക്കുന്നത്.
പ്രത്യേക ആദരവ് നല്കേണ്ട പ്രവര്ത്തനം കാഴ്ചവെച്ച പൊലീസ് ഉദ്യോഗസ്ഥര് ഉണ്ടെങ്കില് അവരുടെ പേര് പ്രത്യേകം ശുപാര്ശ നല്കണമെന്നും എഡിജിപി ഉത്തരവില് നിര്ദേശിച്ചിട്ടുണ്ട്.
