കാലിക്കറ്റ് സർവകലാശാല സെനറ്റ് യോഗത്തിനെത്തിയ ഗവർണറുടെ നോമിനികളെ എസ് എഫ് ഐ പ്രവർത്തകർ തടഞ്ഞു.

രാവിലെ എട്ടേ മുക്കാലോടെയാണ് എസ് എഫ് ഐ പ്രതിഷേധം ആരംഭിച്ചത്. സെനറ്റ് യോഗത്തിനെത്തിയ അംഗങ്ങളുടെ പേരും മറ്റ് വിവരങ്ങളും ചോദിച്ചാണ് എസ് എഫ് ഐ പ്രവേശിപ്പിച്ചത്. ഗേറ്റിന്റെ നിയന്ത്രണവും എസ് എഫ് ഐ ഏറ്റെടുത്തിരുന്നു. സെനറ്റ് ഹാളിന് പുറത്ത് രണ്ട് കവാടങ്ങളിലായി എസ് എഫ് ഐ പ്രവർത്തകർ കുത്തിയിരുന്ന് പ്രതിഷേധിക്കുകയാണ്. എസ് എഫ് ഐ പ്രവർത്തകരെ അറസ്റ്റ് ചെയ്ത് നീക്കിയതിന് ശേഷം തടഞ്ഞുവെച്ച ഒമ്പത് പേരെ പ്രവേശിപ്പിക്കാനാണ് പോലീസ് നീക്കം.