സാംസ്‌കാരിക സംഗമവും പുസ്തക ചര്‍ച്ചയും സംഘടിപ്പിച്ച് കൊയിലാണ്ടി പബ്ലിക് ലൈബ്രറി
കൊയിലാണ്ടി: സാംസ്‌കാരിക സംഗമവും പുസ്തക ചര്‍ച്ചയും സംഘടിപ്പിച്ചു. കൊയിലാണ്ടി പബ്ലിക് ലൈബ്രറിയുടെ ആഭിമുഖ്യത്തില്‍ സാംസ്‌കാരിക സംഗമവും പുസ്തക ചര്‍ച്ചയും സംഘടിപ്പിച്ചു.
പി.വി ഷൈമയുടെ ഉള്ളുരുക്കങ്ങള്‍ കവിതാ സമാഹരമാണ് ചര്‍ച്ച ചെയ്യപ്പെട്ടത്. കവി രാവിനാഥ് കുളത്തൂര്‍ ഉദ്ഘാടനം ചെയ്തു. ലൈബ്രറി നിര്‍വാഹക സമിതി അംഗം ചേനോത്ത് ഭാസ്‌കരന്‍ അധ്യക്ഷനായി.
നിഖിലേഷ് നടുവത്തൂര്‍ പുസ്തക അവതരണം നടത്തി. കെ നാരായണന്‍ മുച്ചുകുന്നു, ഭാസ്‌കരന്‍, പി.വി ദീപ്തി റിലേഷ്, സാബു കീഴരിയൂര്‍, കെ.ടി ഗംഗാധരന്‍, ബിന്ദു പ്രതീപ്, സുനന്ത, ഷൈജി, സാബു, സംഗീത കീഴരിയൂര്‍, ഷൈമ പി.വി, പി രവീന്ദ്രന്‍ എന്നിവര്‍ സംസാരിച്ചു. കവിതാലാപനവും നടന്നു.
