സിപിഐ സംസ്ഥാന സെക്രട്ടറി കാനം രാജേന്ദ്രന് അന്തരിച്ചു
തിരുവനന്തപുരം: സിപിഐ സംസ്ഥാന സെക്രട്ടറി കാനം രാജേന്ദ്രന് (73) അന്തരിച്ചു. കൊച്ചിയിലെ സ്വകാര്യ ആശുപത്രിയില് ഹൃദയാഘാതത്തെ തുടര്ന്നായിരുന്നു അന്ത്യം. ആരോഗ്യപ്രശ്നങ്ങള് അലട്ടുന്നതുമൂലം അദ്ദേഹം കഴിഞ്ഞ കുറച്ചുകാലമായി ചികിത്സയിലും വിശ്രമത്തിലുമായിരുന്നു.
അടുത്തസമയത്ത് കാലിന് ശസ്ത്രക്രിയയും നടന്നു. അരോഗ്യ സ്ഥിതി മോശമായതിനെ തുടര്ന്ന് കാനം രാജേന്ദ്രന് സി.പി.ഐ. സംസ്ഥാന സെക്രട്ടറിസ്ഥാനത്ത് നിന്ന് അവധിയെടുക്കാന് കഴിഞ്ഞ ദിവസം ദേശീയ നേതൃത്വത്തിന് അപേക്ഷ നല്കിയിരുന്നു. പിന്നാലെയാണ് മരണം.
2015 മുതലാണ് സിപിഐ സംസ്ഥാന സെക്രട്ടറി ചുമതല വഹിക്കുന്നത്. 1982 ലും 1987 ലും കോട്ടയം വാഴൂര് മണ്ഡലത്തില് നിന്ന് നിയമസഭയിലേക്ക് വിജയിച്ചിട്ടുണ്ട്. എഐവൈഎഫ് സംസ്ഥാന സെക്രട്ടറി, എഐടിയുസി സംസ്ഥാന സെക്രട്ടറി തുടങ്ങിയ ചുമതലകളും വഹിച്ചിട്ടുണ്ട്.
എഴുപതുകളില് വിദ്യാര്ഥി രാഷ്ട്രീയത്തിലൂടെയാണ് രാഷ്ട്രീയരംഗത്തേക്ക് പ്രവേശിക്കുന്നത്. 1971ല് 21-ാം വയസ്സില് സംസ്ഥാനകൗണ്സിലില് എത്തി. എന്.ഇ. ബല്റാം പാര്ട്ടിസെക്രട്ടറിയായിരുന്നപ്പോള് 1975-ല് എം.എന്. ഗോവിന്ദന് നായര്, ടി.വി. തോമസ്, സി. അച്യുതമേനോന് എന്നിവര്ക്കൊപ്പം പാര്ട്ടിയുടെ സംസ്ഥാനസെക്രട്ടേറിയറ്റില് ഉള്പ്പെട്ടു.
ഭാര്യ: വനജ. മക്കള്: സന്ദീപ്, സ്മിത. മരുമക്കള്: താരാ സന്ദീപ്, വി. സര്വേശ്വരന്.
