തിക്കോടിയിൽ ഗൃഹനാഥൻ വീടിനകത്ത് മരിച്ച നിലയിൽ
തിക്കോടി: വീടിനകത്ത് ദുര്‍ഗന്ധം വമിക്കുന്ന നിലയില്‍ മൃതദേഹം കണ്ടെത്തി. തിക്കോടി പെരുമാള്‍പുരം താഴവടക്കെ മുല്ല മുറ്റത്ത് രാമചന്ദ്രനെ (60)യാണ് മരിച്ച നിലയില്‍ കണ്ടെത്തിയത്. ഇന്ന് രാവിലെയോടെ ദുര്‍ഗന്ധം പുറത്തേക്ക് വന്നതോടെ പരിസരവാസികള്‍ പരിശോധിച്ചപ്പോഴാണ് രക്തത്തില്‍ കുളിച്ച നിലയില്‍ മൃതദേഹം കണ്ടത്.
വീട്ടില്‍ ഒറ്റയ്ക്ക് താമസിക്കുകയായിരുന്നു രാമചന്ദ്രന്‍. രണ്ടു ദിവസമായി പുറത്തേക്ക് കാണാറില്ലായിരുന്നു. ഇന്ന് രാവിലെയാണ് പ്രദേശത്ത് ദുര്‍ഗന്ധം പരന്നത്. തുടര്‍ന്ന് പ്രദേശവാസികള്‍ പയ്യോളി പോലീസ് സ്റ്റേഷനില്‍ വിവരം അറിയിച്ചു. സി ഐ കെ. സി. സുഭാഷ് ബാബുവിന്റെ നേതൃത്വത്തില്‍ പോലീസ് സ്ഥലത്തെത്തി രക്തത്തില്‍ കുളിച്ചു കിടക്കുന്ന നിലയില്‍ മൃതദേഹം കണ്ടത്.
