കാപ്പാട് വിനോദ സഞ്ചാര കേന്ദ്രത്തില് സവാരി നടത്തിയ കുതിരയ്ക്ക് പേ വിഷബാധ സ്ഥിരീകരിച്ചു
കൊയിലാണ്ടി: കാപ്പാട് വിനോദ സഞ്ചാര കേന്ദ്രത്തില് സവാരി നടത്തിയ കുതിരയ്ക്ക് പേ വിഷബാധ സ്ഥിരീകരിച്ചു.
ആഗസ്ത് 19 നാണ് കുതിരയെ പേ വിഷബാധയേറ്റ നായ കടിച്ചത്. തുടര്ന്ന് ചേമഞ്ചേരി വെറ്റിറിനറി സര്ജന്റെ നേതൃത്വത്തില് കുതിരക്ക് 5 ഡോസ് വാക്സിന് നല്കിയിരുന്നെങ്കിലും ദിവസങ്ങള്ക്ക് ശേഷം കുതിര ക്ഷീണിതനാവുകയും ഇന്നലെ പുലര്ച്ചെ മരണപ്പെടുകയയായിരുന്നു.
പൂക്കോട് വെറ്റിറിനെറി കോളജിലെ നടത്തിയ പോസ്റ്റ് മോര്ട്ട ശേഷം പത്തോളജി വിഭാഗത്തില് നിന്നാണ് പേ വിഷബാധ സ്ഥിരീകരിച്ചത്. സവാരി നടത്തിയവരും അടുത്തിടപഴകിയവരും അടിയന്തരമായി ആരോഗ്യ വിഭാഗവുമായി ബന്ധപ്പെട്ട് കുത്തിവെപ്പ് നടത്തണമെന്ന് അധികൃതര് വ്യക്തമാക്കി.
