കമ്മ്യൂണിക്കേറ്റീവ് ഇംഗ്ലീഷ് ട്രെയിനർ കോഴ്സിന്റെ അടുത്ത ബാച്ചുകളിലേക്കുള്ള അഡ്മിഷൻ ആരംഭിച്ചു.
അഡ്മിഷൻ ആരംഭിച്ചു
അഡീഷണൽ സ്കിൽ അക്വിസിഷൻ പ്രോഗ്രാം (അസാപ് ) നടത്തുന്ന കമ്മ്യൂണിക്കേറ്റീവ് ഇംഗ്ലീഷ് ട്രെയിനർ കോഴ്സിന്റെ അടുത്ത ബാച്ചുകളിലേക്കുള്ള അഡ്മിഷൻ ആരംഭിച്ചു. 400 മണിക്കൂർ ആണ് കോഴ്സിന്റെ കാലാവധി. വ്യക്തിഗത കഴിവുകൾ, സാമൂഹിക കഴിവുകൾ, പ്രൊഫഷണൽ കഴിവുകൾ, ഭാഷാ പ്രാവീണ്യം, അവതരണ കഴിവുകൾ, കേസ് പഠനം, ഐസിടി ടൂളുകൾ, ഇന്റർനെറ്റ്, ലൈഫ് സ്കിൽസ് മുതലായ മോഡ്യൂളുകൾ ഉൾപ്പെടുന്നതാണ് ട്രെയിനിങ്. പ്രാക്ടിക്കൽ പരിശീലനത്തിനായി ഇന്റേൺഷിപ്പ് ഉൾപ്പെട്ടിട്ടുണ്ട്.
കണ്ണൂർ ജില്ലയിലെ പാലയാട് അസാപ് കമ്മ്യൂണിറ്റി സ്കിൽ പാർക്കിൽ വച്ചാണ് കോഴ്സ് നടത്തപ്പെടുക.വാരാന്ത്യ ബാച്ച് ആയിട്ടാണ് ക്ലാസ്സുകൾ നടക്കുക. 2023 സെപ്റ്റംബർ മാസത്തിൽ കോഴ്സ് ആരംഭിക്കും. ഫീസ് : 12500 രൂപ. താൽപ്പര്യമുള്ളവർക്ക് https://g01.tcsion.com//EForms/configuredHtml/32456/81237/Registration.html?value=26 എന്ന ലിങ്ക് വഴി അപേക്ഷിക്കാവുന്നതാണ്. കൂടുതൽ വിവരങ്ങൾക്ക് : 8075851148 , 9633015813, 7907828369
അപേക്ഷ ക്ഷണിച്ചു
സൈനിക ക്ഷേമ വകുപ്പ് വിമുക്ത ഭടന്മാർക്കും വിധവകൾക്കും അവരുടെ ആശ്രിതർക്കും പുനരധിവാസ പരിശീലനം നൽകുന്നതിന്റെ ഭാഗമായി കെൽട്രോൺ വഴി സർട്ടിഫിക്കറ്റ് കോഴ്സ് ഇൻ ഫയർ ആൻഡ് സേഫ്റ്റിയും എൽ ബി എസ് സെന്റർ വഴി ഡാറ്റ എൻട്രി ആൻഡ് ഓഫീസ് ഓട്ടോമേഷൻ കോഴ്സുകളും നടത്തുന്നു. താൽപ്പര്യമുള്ള വിമുക്ത ഭടന്മാർ, വിധവകൾ, അവരുടെ ആശ്രിതർ എന്നിവർ സെപ്റ്റംബർ 15നകം കോഴിക്കോട് ജില്ലാ സൈനിക ക്ഷേമ ഓഫീസിൽ നേരിട്ട് അപേക്ഷ നൽകണമെന്ന് ജില്ലാ സൈനിക ക്ഷേമ ഓഫീസർ അറിയിച്ചു. കൂടുതൽ വിവരങ്ങൾക്ക് : 0495 2771881
അപേക്ഷ ക്ഷണിച്ചു
സ്ത്രീ ശാക്തീകരണം, സുരക്ഷ, സംരക്ഷണം എന്നിവ ഉറപ്പു വരുത്തുന്നതിനായി കേന്ദ്ര സർക്കാർ ആവിഷ്കരിച്ചിട്ടുളള മിഷൻ ശക്തി പദ്ധതി നടപ്പിലാക്കുന്നതിന് ജില്ലാ വനിതാ ശിശു വികസന ഓഫീസിന് കീഴിൽ ജില്ലാ ഹബ് ഫോർ എംപവർമെന്റ് ഓഫ് വിമണിലേക്ക് ജെൻഡർ സ്പെഷ്യലിസ്റ്റ് തസ്തികയിലേക്ക് സോഷ്യൽ വർക്കിലോ സമാന സാമൂഹ്യ വിഷയങ്ങളിലോ ബിരുദവും സർക്കാർ – സർക്കാരിതര സ്ഥാപനങ്ങളിൽ ലിംഗപരമായ വിഷയങ്ങൾ കേന്ദ്രീകരിച്ചു പ്രവർത്തിച്ച മൂന്ന് വർഷത്തെ പരിചയവുമുള്ളവരിൽ നിന്നും അപേക്ഷ ക്ഷണിച്ചു. ബിരുദാനന്തര ബിരുദമുള്ളവർക്കും സ്ത്രീകൾക്കും മുൻഗണന. അപേക്ഷ സ്വീകരിക്കുന്ന അവസാന തിയ്യതി: സെപ്റ്റംബർ 15 വൈകുന്നേരം അഞ്ച് മണി. കൂടുതൽ വിവരങ്ങൾക്ക് : 0495-2370750
മുട്ടക്കോഴി വളർത്തൽ പരിശീലനം
മലമ്പുഴ സർക്കാർ മൃഗസംരക്ഷണ പരിശീലന കേന്ദ്രത്തിൻറ ആഭിമുഖ്യത്തിൽ മുട്ടക്കോഴി വളർത്തൽ പരിശീലനം നൽകുന്നു. സെപ്റ്റംബർ 14, 15 തിയ്യതികളിൽ രാവിലെ 10 മണി മുതൽ 5 മണി വരെ പ്രായോഗിക പരിശീലനത്തിന് ഊന്നൽ നൽകിയാണ് സൗജന്യ പരിശീലനം നൽകുന്നത്. പരിശീലനത്തിൽ പങ്കെടുക്കുന്നവർ 0491 2815454, 9188522713 എന്ന നമ്പറിൽ വിളിച്ച് മുൻകൂട്ടി രജിസ്റ്റർ ചെയ്യണമെന്ന് അസിസ്റ്റന്റ് ഡയറക്ടർ അറിയിച്ചു. പങ്കെടുക്കുന്നവർ ആധാർ കാർഡിന്റെ കോപ്പി കൊണ്ടുവരേണ്ടതാണ്.
