മുന്നൂറാം യാത്രയിലേക്ക് കെ എസ് ആർ ടി സി ബജറ്റ് ടൂറിസം സെൽ

കെ എസ് ആർ ടി സി കോഴിക്കോട് ബജറ്റ് ടൂറിസം സെൽ 300-ാം യാത്ര പൂർത്തീകരിക്കുന്നതിന്റെ ആഘോഷവും യൂണിറ്റിൽ ആരംഭിച്ച ലോജിസ്റ്റിക് ആന്റ് കൊറിയർ സർവ്വീസിന്റെ ഓഫീസ് ഉദ്ഘാടനവും നാളെ (ജൂലൈ 30) പൊതുമരാമത്ത് ടൂറിസം വകുപ്പ് മന്ത്രി പി.എ മുഹമ്മദ് റിയാസ് നിർവഹിക്കും.

ഉച്ചക്ക് 12 മണിക്ക് കെ എസ് ആർ ടി സി ബി ഒ ടി ബസ് ടെർമിനലിൽ നടക്കുന്ന ചടങ്ങിൽ തോട്ടത്തിൽ രവീന്ദ്രൻ എം.എൽ.എ അധ്യക്ഷത വഹിക്കും. ബജറ്റ് ടൂറിസം സെൽ ജില്ലാ കോർഡിനേറ്റർ ബിന്ദു പി.കെ റിപ്പോർട്ട് അവതരിപ്പിക്കും. കോർപ്പറേഷൻ ക്ഷേമകാര്യ സ്റ്റാന്റിംഗ് കമ്മറ്റി ചെയർമാൻ പി.ദിവാകരൻ, ബജറ്റ് ടൂറിസം സെൽ ചീഫ് ട്രാഫിക്ക് മാനേജർ ജേക്കബ് സാം ലോപ്പസ് തുടങ്ങിയവർ പങ്കെടുക്കും.