കീഴരിയൂരില് റബ്ബര് പുകപ്പുരയ്ക്ക് തീപിടിച്ചു
കൊയിലാണ്ടി: കീഴരിയൂരില് റബ്ബര് പുകപ്പുരയ്ക്ക് തീപിടിച്ചു. ചട്ടിപ്പുരയില് മുഹമ്മദ് റഷീദിന്റെ ഉടമസ്ഥതയിലുള്ള കണ്ണോത്ത് യു.പി സ്കൂളിന് സമീപമാണ് തീപിടിച്ചത്. അസംസ്കൃത റബ്ബര് സൂക്ഷിച്ചിരുന്ന ഷെഡില് നിന്നും പുക ഉയരുകയായിരുന്നു. വൈകുന്നേരം അഞ്ചരയോടെയായിരുന്നു സംഭവം.
ഷെഡില് നിന്നും പുക ഉയരുന്നത് കണ്ട് നാട്ടുകാര് ഓടിക്കൂടി തീയണച്ചു. തുടര്ന്ന് കൊയിലാണ്ടിയില് നിന്നും അഗ്നിരക്ഷാ യൂണിറ്റും പൊലീസും സ്ഥലത്തെത്തി തീ പൂര്ണമായി കെടുത്തി. നാല് ലക്ഷത്തോളം രൂപയുടെ നഷ്ടം കണക്കാക്കുന്നു. പുകപ്പുരയിലുണ്ടായിരുന്ന റബ്ബര് പൂര്ണമായി കത്തിനശിച്ചു.
