നിയമസഭ തെരഞ്ഞെടുപ്പ് ഏപ്രിൽ രണ്ടാം വാരമെന്ന് സൂചന

 

 

സംസ്ഥാനത്ത് നിയമസഭ തെരഞ്ഞെടുപ്പ് ഏപ്രിൽ രണ്ടാം വാരമെന്ന് സൂചന. തെരഞ്ഞെടുപ്പ് കമ്മീഷൻ ഒരുക്കങ്ങൾ വേഗത്തിലാക്കി.  മാർച്ചിൽ തെരഞ്ഞെടുപ്പ് വിജ്ഞാപനമിറങ്ങും. 2021 ൽ ഏപ്രിൽ ആറിനായിരുന്നു കേരളത്തിൽ നിയമസഭ തെരഞ്ഞെടുപ്പ് നടന്നത്. മെയ് ആദ്യവാരം ഫല പ്രഖ്യാപനമുണ്ടാകും.

തെ​ര​ഞ്ഞെ​ടു​പ്പ്​ ന​ട​ക്കു​ന്ന അ​ഞ്ച്​ സം​സ്ഥാ​ന​ങ്ങ​ളി​ലെ മു​ഖ്യ​തെ​ര​ഞ്ഞെ​ടു​പ്പ്​ ഓ​ഫി​സ​ർ​മാ​രു​ടെ യോ​ഗമാണ് തിങ്കളാഴ്ച​ ഡ​ൽ​ഹി​യി​ൽ ന​ട​ക്കുന്നത്. സിഇഒ​ക്ക്​ പു​റ​മേ തെ​ര​ഞ്ഞെ​ടു​പ്പ് സു​ര​ക്ഷ ചു​മ​ത​ല​യു​ള്ള എ.​ഡി.​ജി.​പി​യും പ​​ങ്കെ​ടു​ക്കും. തെ​ര​ഞ്ഞെ​ടു​പ്പ്​ മു​​ന്നൊ​രു​ക്ക​ങ്ങ​ളു​ടെ ഭാ​ഗ​മാ​യി വോ​ട്ടി​ങ്​ യ​ന്ത്ര​ങ്ങ​ളു​ടെ സാ​​ങ്കേ​തി​ക പ​രി​ശോ​ധ​ന തു​ട​ങ്ങിയിട്ടുണ്ട്.

അതേസമയം, 2026 ഫെ​ബ്രു​വ​രി 21നാ​ണ്​ എ​സ്ഐആ​ർ അ​ന്തി​മ പ​ട്ടി​ക പ്ര​സി​ദ്ധീ​ക​രി​ക്കു​ക. ഇ​തു​പ്ര​കാ​ര​മാ​കും തെ​ര​ഞ്ഞെ​ടു​പ്പ് നടക്കുക. സം​സ്ഥാ​ന​ത്ത്​ എ​സ്​.​ഐ.​ആ​റി​ന്​ സ​മാ​ന്ത​ര​മാ​യി ബൂ​ത്ത്​ പു​നഃ​ക്ര​മീ​ക​ര​ണ​വും ന​ട​ന്നി​രു​ന്നു. ഒ​രു ബൂ​ത്തി​ൽ പ​ര​മാ​വ​ധി 1150 പേ​രെ ഉ​ൾ​പ്പെ​ടു​ത്തി​യാ​ണ്​ പു​നഃ​ക്ര​മീ​ക​രി​ച്ച​ത്. ഇ​തു​പ്ര​കാ​രം പു​തു​താ​യി വ​ന്ന 5003 എ​ണ്ണ​മ​ട​ക്കം 30,044 ബൂ​ത്തു​ക​ളാ​ണ്​ ഉ​ണ്ടാ​വു​ക. കോ​വി​ഡ് സാ​ഹ​ച​ര്യ​ത്തി​ൽ, പ്ര​ധാ​ന ബൂ​ത്തു​ക​ൾ​ക്ക് (25,041)​ പു​റ​മേ ഓ​ക്സി​ല​റി ബൂ​ത്തു​ക​ൾ (15,730) ഉ​ൾ​പ്പെ​​ടെ 40,771 ബൂ​ത്തു​ക​ളാ​ണ്​ ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പി​നു​ണ്ടാ​യി​രു​ന്ന​ത്.