കോഴിക്കോട് റവന്യു ജില്ലാ കലോത്സവത്തിന് രചനാ മത്സരങ്ങളോടെ തുടക്കം
കൊയിലാണ്ടി : 64-ാമത് കോഴിക്കോട് റവന്യു ജില്ലാ കലോത്സവത്തിന് രചനാ മത്സരങ്ങളോടെ തുടക്കം. 17 ഉപജില്ലകളില് നിന്നുമായി പതിനായിരത്തോളം വിദ്യാര്ത്ഥികളാണ് മത്സരത്തിനെത്തുക.
മലയാളം, ഹിന്ദി, ഉറുദു, ഇംഗ്ലീഷ്, സംസകൃതം, അറബിക് തുടങ്ങിയ ഭാഷകളില് കവിത, കഥ, ഉപന്യാസം, പെന്സില് ഡ്രോയിംഗ്, ജലഛായം, എണ്ണഛായം, കാര്ട്ടൂണ് തുടങ്ങിയ മത്സരങ്ങളിലാണ് പ്രതിഭകള് ഇന്ന് മാറ്റുരക്കുന്നത്.
ചൊവ്വാഴ്ച കാലത്ത് ഒമ്പതിന് തന്നെ സ്റ്റേജ് മത്സരങ്ങള് ആരംഭിക്കുമെന്ന് സംഘാടകര് അറിയിച്ചു. തിരുവാതിരക്കളി, പരിചമുട്ട്, കേരളനടനം, പദ്യം ചൊല്ലല് ഹിന്ദി, മാപ്പിളപ്പാട്ട്, വട്ടപ്പാട്ട്, ഭരതനാട്യം, ഹയര് സെക്കന്ററി വിഭാഗം നാടകം, പളിയ നൃത്തം, വയലിന്, വൃന്ദവാദ്യം, നാടോടിനൃത്തം, പദ്യം ചൊല്ലല് മലയാളം തുടങ്ങിയ ഇനങ്ങളില് മത്സരം നടക്കും.
