തദ്ദേശ തെരെഞ്ഞെടുപ്പ്; കൊയിലാണ്ടി നഗരസഭ യു ഡി എഫ് സ്ഥാനാര്ത്ഥികള് പത്രിക സമര്പ്പിച്ചു
കൊയിലാണ്ടി: തദ്ദേശ സ്ഥാപനങ്ങളിലേക്കുള്ള തെരെഞ്ഞെടുപ്പില് കൊയിലാണ്ടി നഗരസഭയില് മത്സരിക്കുന്ന ഐക്യ ജനാധിപത്യ മുന്നണി സ്ഥാനാര്ത്ഥികള് തെരെഞ്ഞെടുപ്പ് കമ്മീഷന് ചുമതലപ്പെടുത്തിയ വരണാധികാരിയും ജില്ലാ പട്ടികജാതി വികസന ഓഫീസറുമായ ശൈലേഷ് ഐ പി യുടെ മുമ്പാകെ നാമനിര്ദ്ദേശ പത്രിക സമര്പ്പിച്ചു. യു ഡി എഫ് നേതാക്കളും സ്ഥാനാര്ത്ഥികളും പ്രവര്ത്തകരും നഗരത്തില് കേന്ദ്രീകരിച്ച് സ്റ്റേഡിയം കോര്ണറിലെ ഗാന്ധി പ്രതിമയില് ഹാരാര്പ്പണം നടത്തിയ ശേഷം പ്രകടനമായി നഗരസഭാ ഓഫീസിലെത്തിയാണ് പത്രിക സമര്പ്പിച്ചത്.
ആകെയുള്ള 46 – വാര്ഡുകളിലേക്കാണ് പത്രിക സമര്പ്പണം. ഉച്ചതിരിഞ്ഞ് 3 മണി വരെ പതിക സമര്പ്പണം നീണ്ടു. അഡ്വ കെ വിജയന്, വി പി ഇബ്രാഹിം കുട്ടി, വി വി സുധാകരന്, രാജേഷ് കീഴരിയൂര്, ഹുസൈന് ബാഫഖി തങ്ങള്, എ അസീസ്, ടി പി കൃഷ്ണന് , വി എം ബശീര് അരുണ് മണമല് സംസാരിച്ചു. സമദ് നടേരി, പി വി വേണുഗോപാല്, ഫാസില് നടേരി, ഉണ്ണികൃഷ്ണന് മര ളൂര്, അന്സാര് കൊല്ലം , തന്ഹീര് കൊല്ലം, തങ്കമണിചൈത്രം എന്നിവര് നേതൃത്വം നല്കി.
