തങ്കമല എസ്റ്റേറ്റില് നടക്കുന്ന ഖനനത്തിനെതിരെ നാട്ടുകാര്; ദേശീയ ഹരിത ട്രൈബ്യൂണല് കേസെടുത്തു
കൊയിലാണ്ടി: കൊയിലാണ്ടി താലൂക്കിലെ തുറയൂര് കീഴരിയൂര് വില്ലേജില് വ്യാപിച്ച് കിടക്കുന്ന തങ്കമല എസ്റ്റേറ്റിലെ കരിങ്കല് ഖനനത്തിനും ക്രഷറിനും മണ്ണെടുപ്പിനും എതിരെ ദേശീയ ഹരിത ട്രൈബ്യൂണല് ചെന്നൈ ബെഞ്ച് കേസെടുത്തു നോട്ടീസ് അയക്കാന് ഉത്തരവിട്ടു
തങ്കമല എസ്റ്റേറ്റില് നടക്കുന്ന ഖനത്തിന് വ്യവസ്ഥകള്ക്ക് വിധേയമായി പരിസ്ഥിതി വകുപ്പും. മലിനീകരണ നിയന്ത്രണ ബോര്ഡും അനുമതി നല്കിയതാണ്. വ്യവസ്ഥകള് ലംഘിച്ച് നടക്കുന്ന കരിങ്കല് ഖനനത്തിനും ക്രഷറിന്റെയും മണ്ണെടുപ്പിന്റെയും പേരില് നാട്ടുകാര് നിരവധി പരാതികള് സര്ക്കാരിന് നല്കിയിട്ടും യാതൊരു നടപടിയും ഉണ്ടാകാത്തതിനെ തുടര്ന്ന് നാട്ടുകാര് ദേശീയ ഹരിത ട്രെബ്യൂണല് ചെന്നൈ ബെഞ്ചിനെ സമീപിക്കുകയായിരുന്നു
പരിസ്ഥിതി വകുപ്പ് അംഗീകരിച്ച് ഖനന പ്ലാനിന് വിരുദ്ധമായും തൊട്ടടുത്തുള്ള വീടുകള്ക്കുണ്ടാകുന്ന പ്രകമ്പനം സംബന്ധിച്ച പഠനം നടത്താതെയും ഖനനം മൂലം പ്രദേശവാസികള്കുണ്ടാകുന്ന പ്രയാസങ്ങള് മനസ്സിലാക്കാന് പ്രദേശവാസികള് ഉള്പ്പെടുന്ന കമ്മിറ്റി രൂപീകരിക്കണമെന്ന വ്യവസ്ഥ ലംഘിച്ചതിനാലും ഖനന പരിസരത്ത് മരങ്ങള് വെച്ച് പിടിപ്പിച്ച് പരിപാലിക്കണമെന്ന വ്യവസ്ഥ പാലിക്കാത്തത് കൊണ്ടും കാലത്തും വൈകുന്നേരവും ഖനന വസ്തുക്കള് കയറ്റിയ വാഹനം പോകരുതെന്നും വാഹനത്തില് നിന്നും പൊടിപാറരുതെന്ന വ്യവസ്ഥ ലംഘിച്ചത് കൊണ്ടും കാലത്ത് 7 മണി മുതല് വൈകുന്നേരം 5 മണി വരെ മാത്രമെ ഖനനം പാടുള്ളൂ എന്ന വ്യവസ്ഥ ലംഘിച്ചത് കൊണ്ടും ഖനന പ്ലാനില് വ്യക്തമാക്കിയതില് നിന്നും വ്യത്യസ്ഥമായ ആഴത്തിലും വീതി യിലും ഖനനം നടത്തിയതിനാലും അനുവദനീയമായതിലും കൂടുതല് ശബ്ദമലിനീകരണം ഉണ്ടായതിനാലും പാറ പൊട്ടിക്കുമ്പോള് നീക്കം ചെയ്യുന്ന മല മുകളിലെ മണ്ണ് പാറ പൊട്ടിച്ച കുഴി നികത്താന് സൂക്ഷിച്ച് വെക്കണമെന്ന വ്യവസ്ഥ പാലിക്കാത്തത് കൊണ്ടും മല മുകളിലെ ക്വാറിയില് മഴക്കാലത്ത് വെള്ളം നിറഞ്ഞ് അത് ജല ബോംബായി നിന്ന് താഴ്വാരത്ത് താമസിക്കുന്ന പൊതു ജനങ്ങളുടെ ജീവനും സ്വത്തിനും പരിസ്ഥിതിക്കും ഭീഷണിയായതിനാലും ആണ് നാട്ടുകാര് ദേശീയ ഹരിത ടൊബ്യുണനലിനെ സമീപിച്ചത്
