കൊയിലാണ്ടി ഉപജില്ല ശാസ്ത്രോത്സവം ആരംഭിച്ചു

 

 

പൊയിൽകാവ് :കൊയിലാണ്ടി ഉപജില്ല ശാസ്ത്ര-സാമൂഹ്യ -ഗണിതശാസ്ത്ര- പ്രവൃത്തിപരിചയ-ഐടി മേള പൊയിൽകാവ് ഹയർ സെക്കൻഡറി സ്‌കൂളിൽ ആരംഭിച്ചു. പന്തലായനി ബ്ലോക്ക് പഞ്ചായത്ത് പ്രസിഡണ്ട് പി. ബാബുരാജ്  ഉദ്ഘാടനം ചെയ്തു‌. സ്വാഗത സംഘം കൺവീനർ ചിത്രേഷ് പിജി  സ്വാഗതം പറഞ്ഞ ചടങ്ങ് ബ്ലോക്ക് മെമ്പർ ബിന്ദു സോമൻ  അധ്യക്ഷത വഹിച്ചു. ഉപജില്ല വിദ്യാഭ്യാസ ഓഫിസർ എം.കെ മഞ്ജു മേള വിശദീകരണം നടത്തി.

വാർഡ് മെമ്പർ രമേശൻ കിഴക്കയിൽ, ബിപിസി  പന്തലായനി എം. മധുസൂദനൻ,   പൊയിൽക്കാവ്   എച്ച് എസ്എസ് എച്ച് എം കെ. സി. ബീന, എച്ച് എം ഫോറം കൺവീനർ പ്രജീഷ്. എൻ.ഡി, പിടിഎ പ്രസിഡണ്ട് ,പൊയിൽക്കാവ് എച്ച് എസ്എസ് നിഷിത്ത് കുമാർ .എം, ഫെസ്റ്റിവൽ കമ്മറ്റി ചെയർമാൻ ഗണേഷ്കക്കഞ്ചേരി, ഫിനാൻസ് കമ്മറ്റി കൺവീനർ പ്രജേഷ് . ഇ . കെ, സ്കൂൾ ലീഡർ വൈഗ പി.കെ , വിവിധ സംഘടനാ പ്രതിനിധികൾ എന്നിവർ ആശംസകളർപ്പിച്ച് സംസാരിച്ചു. കൺവീനർ, റിസപ്ഷൻ കമ്മറ്റി സി.കെ ബാലകൃഷ്ണൻ  നന്ദി അർപ്പിച്ചു.
ശാസ്ത്രോത്സവം 22. ന് സമാപിക്കും.