ചുമട് തൊഴിലാളികൾ പ്രതിഷേധ ധർണ്ണ നടത്തി

 

 

കൊയിലാണ്ടി: ഹെഡ്ലോഡ് വർക്കേഴ്സ് ഫെഡറേഷൻ ഐ എൻ ടി യു സി യുടെ ആഭിമുഖ്യത്തിൽ ചുമട് തൊഴിലാളികൾ ക്ഷേമ ബോർഡ് ഉപസമിതി ഓഫീസിന് മുൻപിൽ പ്രതിഷേധ ധർണ്ണ  കെ പി സി സി മെംബർ പി. രത്നവല്ലി ടീച്ചർ ഉദ്ഘാടനം ചെയ്തു.

തൊഴിലാളികളുടെ ആനുകൂല്യങ്ങൾ കാലോചിതമായി പരിക്ഷരിക്കുക, ഇ എസ് ഐ -ചികിത്സ സൗകര്യങ്ങൾ ലഭ്യമാക്കുക, മിനിമം പെൻഷൻ 5,000 രൂപയാക്കുക. തുടങ്ങിയ ആവശ്യങ്ങൾ ഉന്നയിച്ച് സംസ്ഥാനമൊട്ടാകെ നടത്തിയ ധർണ്ണയുടെ ഭാഗമായാണ് സംഘടിപ്പിച്ചത്.

ഐ എൻ ടി യു സി റീജിയണൽ പ്രസിഡണ്ട് ടി. കെ. നാരായണൻ അധ്യക്ഷത വഹിച്ചു. കെ. കെ. ഭാസ്കരൻ സ്വാഗതം പറഞ്ഞു. റഷീദ് പുളിയഞ്ചേരി, ദിനേശ് കുമാർ പി, വായനാരി സോമൻ, ഷിജു കേരള ഫീഡ്സ് എന്നിവർ സംസാരിച്ചു. ടി. കെ. സജീവൻ, പി. കെ. ജിതേഷ് , കെ. വി. ബാബു, വൈശാഖ്, കെ. കെ. ഉമ്മർ, ഇ. കെ. ഷാജി,  മനോജ്, പി. പി. അനൂപ്, പി. കെ. ജിനീഷ് എന്നിവർ നേതൃത്വം നൽകി.