ഭണ്ഡാരം കുത്തിതുറന്ന് മോഷണം : ഒരാള് അറസ്റ്റില്
കൊയിലാണ്ടി: നമ്പ്രത്തുകര വെളിയണ്ണൂര് തെരു ഗണപതി ക്ഷേത്രഭണ്ഡാരം കുത്തിതുറന്ന് മോഷണം. ഒരാള് അറസ്റ്റില്. കൊയിലാണ്ടി നമ്പ്രത്തുകര വെളിയണ്ണൂര് തെരു ഗണപതി ക്ഷേത്രത്തിലെ മൂന്ന് ഭണ്ഡാരങ്ങള് കുത്തി തുറന്നാണ് പണം കവര്ന്നത്.
നവരാത്രികാലം മുതലുള്ള പണം ഭണ്ഡാരത്തില് ഉള്ളതായാണ് ക്ഷേത്രസമിതി ഭാരവാഹികള് പറയുന്നത്. ഒരു ഭണ്ഡാരം കുത്തിതുറന്നശേഷം സമീപത്തെ പറമ്പിലേക്ക് വലിച്ചെറിഞ്ഞിട്ടുണ്ട്. രണ്ടെണ്ണം തകര്ത്തനിലയിലാണ് വലിയ തുക നഷ്ടപ്പെട്ടതായി കമ്മിറ്റി ഭാരവാഹികള് പറയുന്നു.
ക്ഷേത്രം അധികൃതര് കൊയിലാണ്ടി പോലീസില് നല്കിയ പരാതിയില് പോലീസിനു ലഭിച്ച സൂചനകളുടെ അടിസ്ഥാനത്തില് നമ്പ്രത്ത് കര വലിയെടത്ത് മീത്തല് അനീഷി (42) നെ പോലീസ് അറസ്റ്റു ചെയ്തു.
ഇയാളുടെ പേരില് സമാനമായ കേസുള്ളതായി പോലീസ് അറിയിച്ചു. അന്വേഷണ സംഘത്തില് എസ് ഐമാരായ എന് കെ മണി, പ്രദീപന്, എ എസ് ഐ ബിജു വാണിയംകുളം, അനീഷ് മടോളി, അനഘ എന്നിവരാണുള്ളത്.
