പ്രതിശ്രുത വരനും വധുവിനും നേരെ ആക്രമണം പ്രതി പിടിയില്
കോഴിക്കോട് : പ്രതിശ്രുത വരനും വധുവിനും നേരെ ആക്രമണം പ്രതി പിടിയില്. കുണ്ടുപറമ്പ് സ്വദേശി നിഖില് എസ്. നായരാണ് എലത്തൂര് പൊലീസിന്റെ പിടിയിലായത്. ഇന്നലെ വൈകീട്ടായിരുന്നു സംഭവം. പുതിയങ്ങാടി റിലയന്സ് പെട്രോള് പമ്പില് പെട്രോള് അടിക്കാന് നിര്ത്തിയപ്പോഴായിരുന്നു ആക്രമണം.
ബൈക്കിന്റെ പിന്നിലിരുന്ന യുവതിയോട് നിഖില് ലൈംഗികചേഷ്ട കാണിച്ചതിനെ ചോദ്യം ചെയ്ത യുവാവിനെ ആയുധം വച്ച് നെറ്റിക്ക് അടിക്കുകയും മുഖത്ത് തലകൊണ്ട് കുത്തുകയും ചെയ്യുകയായിരുന്നു. സംഭവത്തില് യുവാവിന്റെയും യുവതിയുടേയും പരാതിയില് ഇന്നലെ തന്നെ പ്രതിയെ പിടികൂടുകയായിരുന്നു. പ്രതി മുമ്പും വിവിധ കേസുകളില് പ്രതിയാണെന്ന് പൊലീസ് പറഞ്ഞു. വൈദ്യ പരിശോധനയ്ക്കിടെ നിഖില് പെണ്കുട്ടിയുടെ ബന്ധുക്കളെ ഭീഷണി മുഴക്കിയതായും പരാതിയുണ്ട്.
