കൊയിലാണ്ടി നഗരസഭയിലെ അതിദരിദ്രവിഭാഗം വരുമാന പദ്ധതിയിലുള്‍പ്പെട്ട കുടുംബങ്ങള്‍ക്കുള്ള ഉപജീവന ഉപാധികള്‍ വിതരണം ചെയ്ത്
കൊയിലാണ്ടി: കൊയിലാണ്ടി നഗരസഭ – കുടുംബശ്രീ ജില്ലാ മിഷന്‍ അതിഭരിദ്രവിഭാഗം വരുമാനദായക പദ്ധതിയില്‍ ഉള്‍പ്പെട്ട കുടുംബങ്ങള്‍ക്കുള്ള ഉപജീവന ഉപാധികള്‍ വിതരണം ചെയ്തു. നഗരസഭ ചെയര്‍പേഴ്‌സണ്‍ സുധ കിഴക്കേപാട്ട് ഉദ്ഘാടനം ചെയ്തു.
ക്ഷേമകാര്യ സ്റ്റാന്‍ഡിംഗ് കമ്മിറ്റി ചെയര്‍മാന്‍ കെ. ഷിജു അദ്ധ്യക്ഷനായി. മെമ്പര്‍ സെക്രട്ടറി വി. രമിത പദ്ധതി വിശദീകരണം നടത്തി. സി. ഡി. എസ് ചെയര്‍പേഴ്‌സണ്‍ എം. പി. ഇന്ദുലേഖ, സ്റ്റാന്റിങ് കമ്മറ്റി ചെയര്‍പേഴ്‌സണ്‍ കെ. എ. ഇന്ദിര കൗണ്‍സിലര്‍മാരായ കെ. കെ. വൈശാഖ്, ബബിത, സൗത്ത് സി.ഡി. എസ്. ചെയര്‍പേഴ്‌സണ്‍ കെ. കെ. വിബിന എന്നിവര്‍ സംസാരിച്ചു.
