ടെലി കണ്സള്ട്ടേഷന് ശക്തിപ്പെടുത്താന് ഇനി ഇ-സഞ്ജീവനി ഹബ്ബ്
കോഴിക്കോട്: സംസ്ഥാനത്തെ ടെലി കണ്സള്ട്ടേഷന് സംവിധാനം ശക്തിപ്പെടുത്തുന്നതിന്റെ ഭാഗമായി കോഴിക്കോട് ദേശീയ ആരോഗ്യ ദൗത്യത്തിന് കീഴില് ഇ-സഞ്ജീവനി ഹബ്ബ് സജ്ജമാക്കി.
ഇതിനോടനുബന്ധിച്ച് തിങ്കള് മുതല് ശനി വരെ നിശ്ചിത സമയങ്ങളില് ഇ എന് ടി, സൈക്ക്യാട്രി, ശിശുരോഗ വിഭാഗം എന്നീ സ്പെഷ്യലിസ്റ്റ് വിഭാഗവും കൂടാതെ എംബിബിഎസ് മെഡിക്കല് ഓഫീസര്മാരുടെ സേവനവും ലഭ്യമാക്കി. വിദഗ്ധ ഉപദേശങ്ങള്ക്കായി ഡോക്ടര് ടു ഡോക്ടര് കണ്സള്ട്ടേഷന് ആണ് ഈ ഹബ്ബിലൂടെ നടക്കുന്നത്. ഇ-സഞ്ജീവനി ഹബ്ബ് നിലവില് വരുന്നതോടെ ജില്ലയുടെ ടെലിമെഡിസിന് രംഗം കൂടുതല് സജീവമാകും.
