നിയന്ത്രണംവിട്ട ബസ്സ് മറിഞ്ഞ് അപകടം അന്പതിലേറെപേര്ക്ക് പരിക്ക്
കോഴിക്കോട്: നിയന്ത്രണം വിട്ട ബസ് മറിഞ്ഞ് അപകടം. അന്പതിലേറെ പേര്ക്ക് പരുക്കേറ്റു. ഒരാളുടെ നില ഗുരുതരമാണ്. പരിക്കേറ്റവരെ ബേബി മെമ്മോറിയല് ആശുപത്രിയിലും സാരമായി പരിക്കേറ്റവരെ കോഴിക്കോട് മെഡിക്കല് കോളേജ് ആശുപത്രിയിലേക്കും മാറ്റി. പുതിയ ബസ് സ്റ്റാന്ഡിന് സമീപത്ത് വൈകിട്ട് 4.15 ഓടെയാണ് അപകടം നടന്നത്.
മെഡിക്കല് കോളേജ് റൂട്ടില് ഓടുന്ന കെഎല് 12 സി 6676 ബസാണ് മറിഞ്ഞത്. അമിത വേഗതയിലെത്തിയ ബസ് അരയിടത്തുപാലത്തിനു സമീപം നിയന്ത്രണം വിട്ട് മറിയുകയായിരുന്നു. പൊലീസും ഫയര് ഫോഴ്സും സ്ഥലത്ത് രക്ഷാപ്രവര്ത്തനം നടത്തി.
